ဒီအချိန်မှာ ဘောလုံးပရိသတ်တွေကိုယ်တိုင်တောင် မသဲမကွဲဖြစ်နေနိုင်ပါတယ်။ သူတို့စောင့် ကြည့်နေတာက လေဗာကူဆင်အသင်းကိုလား၊ နည်းပြ ဇာဘီအလွန်ဆိုကိုလား ဆိုတာ။ ဒီနှစ်ခုက ဆက်စပ်ဖြစ်တည်နေတဲ့ အကြောင်းအရာနှစ်ခုဆိုပေမဲ့ အလွန်ဆိုကိုတော့ လက်ရှိရာသီကို ဘယ်လိုအဆုံးသတ်မလဲဆိုတဲ့ အချက်အပြင် အနာဂတ်မှာ ဘယ်လိုလျှောက်လှမ်းသွားမလဲဆိုတာကိုပါ စောင့်ကြည့်နေရတာပါ။ လေဗာကူဆင်အသင်းကတော့ ပြိုင်ပွဲသုံးခုမှာ အောင်မြင်မှုဘယ်လောက် ယူဆောင်နိုင်မလဲဆိုတာနဲ့ ရှုံးပွဲမရှိမှတ်တမ်းကို ဘယ်လောက်အထိ ဆွဲဆန့်နိုင်မလဲဆိုတာ အဓိက စောင့်ကြည့်ရမှာပါ။