ဒီရာသီပရီးမီးယားလိဂ်ပြိုင်ပွဲမှာ လီဗာပူးလ်၊ အာဆင်နယ်၊ မန်စီးတီးတို့ရဲ့ ချန်ပီယံဆုအားပြိုင်မှုနဲ့အတူ နောက်ထပ်စောင့်ကြည့်ချင်စရာကောင်းနေတာက ပရီးမီးယားလိဂ်ရဲ့ လက်ရှိပစ္စုပ္ပန်အကောင်း ဆုံးကွင်းလယ်အတွဲအဖက်နဲ့ အနာဂတ်အကောင်းဆုံးကွင်းလယ်အတွဲအဖက်တို့ရဲ့ အားပြိုင်မှုပါပဲ။ လက်ရှိပရီးမီးယားလိဂ်ရဲ့ အကောင်းဆုံးကွင်းလယ်အတွဲအဖက်ကိုပြပါဆိုရင် မန်စီးတီးအသင်းရဲ့ ဒီဘရိုင်းနား၊ ရိုဒရီအတွဲအဖက်ကို လက်ညှိုးထိုးရမှာဖြစ်ပြီး၊ ဒီနှစ်ဦးရဲ့နေရာကို ဆက်ခံဖို့ အလားအလာအရှိဆုံးအတွဲအဖက်ကို မေးလာခဲ့ရင်တောင့် အာဆင်နယ်အသင်းရဲ့ အော်ဒီဂွါနဲ့ ဒက်ကလန်ရိုက်စ်ကိုပဲ  ညွှန်းဆိုရပါလိမ့်မယ်။