COVID-19 နောက်ဆက်တွဲဂယက် လုံးဝကင်းရှင်းသွားတဲ့ နှစ်တစ်နှစ်လို့ဆိုနိုင်ပြီး ပြိုင်ပွဲတွေအားလုံးကိုလည်း အစီအစဉ်တကျ ကျင်းပခဲ့ပါတယ်။ အမျိုးသားတင်းနစ်မှာ အအောင်မြင်ဆုံးဖြစ်လာတဲ့ ဂျိုကိုဗစ်၊ NBA ပြိုင်ပွဲသမိုင်းမှာ ရမှတ်အများဆုံးဖြစ်လာတဲ့ လီဘရွန်ဂျိမ်းစ်တို့ရဲ့ မှတ်တိုင်သစ်တွေက အားကစားလောကမှာ ပြောစမှတ်တွင်ခဲ့ပါတယ်။ ဆော်ဒီအာရေဗျရဲ့ Sportwashing ကလည်း ဝေဖန်မှုတွေ ဘယ်လိုပဲရှိရှိ အတော်လေးအရှိန်အဟုန်မြင့်လာပြီး ရုရှား၊ ဘီလာရုစ်ကစားသမားတွေရဲ့အခြေအနေက သိပ်ပြောင်းလဲမှု မရှိခဲ့ပါဘူး။ ဘောလုံးပြင်ပအားကစားလောကရဲ့ နှစ်တစ်နှစ်ဖြတ်သန်းခဲ့တာတွေထဲက လူစိတ်ဝင်စားမှုများတဲ့ အကြောင်းအရာတွေကို ပြန်လည်ဖော်ပြလိုက်ပါတယ် . . .