သက္ကရာဇ် ၂၀၂၃ ခုနှစ်ကတော့ မကြာခင်အချိန်အတွင်းမှာပဲ လက်ပြနှုတ်ဆက်တော့မယ်။ ရည်မှန်းချက်အသစ်၊ အိပ်မက်အသစ်၊ ပျော်ရွှင်မှုအသစ်တွေနဲ့ ၂၀၂၄ နှစ်သစ်ကိုကြိုဆိုကြတော့မယ်။ ဒါပေမဲ့ အိုးလ်ထရက်ဖို့ဒ်နဲ့ သက်ဆိုင်သူအားလုံးရဲ့ နှလုံးအိမ်မှာတော့ ယုံကြည်ရဲရင့်မှုအပြည့်နဲ့ အသစ်အသစ်သော မျှော်လင့်ချက်တွေကိုကြိုဆိုဖို့ အသင့်ဖြစ်ဦးမယ်မထင်ပါဘူး။ အထူးသဖြင့် ပျော်ရွှင်အောင်မြင်သောနေ့စွဲတွေနည်းပါးခဲ့ပြီး နာကျင်ကြေကွဲစရာရက်သတ္တပတ်တွေများပြားခဲ့တဲ့ ၂၀၂၃ ရဲ့ဒဏ်ရာအနာတရတွေက မန်ယူပရိသတ်တွေရဲ့ အသိစိတ်ထဲ စွဲထင်နေဦးမှာပါ။ မန်ယူဟာ မန်ယူမပီသတော့တာ ဘယ်လောက်တောင်ကြာခဲ့ပြီလဲ။ ဘယ်လောက်ထိ ကြာဦးမှာလဲ။ ပရီးမီးယားလိဂ်ရဲ့ အအောင်မြင်ဆုံးအသင်းဟာ ပရီမီးယားလိဂ်ဆုဖလားနဲ့ ဘယ်အချိန်ထိ ဝေးကွာဦးမှာလဲ။