သင်္ဃန်းကျွန်းမြို့နယ် သုဝဏ္ဏနယ်မြေရဲစခန်းရှေ့အနီးတွင် ဒီဇင်ဘာ ၅ ရက် နံနက် ၇ နာရီကျော်က ပေါက်ကွဲမှုဖြစ်ပွားခဲ့ကြောင်း ရဲတပ်ဖွဲ့နှင့်နီးစပ်သည့်အသိုင်းအဝန်းထံမှ သိရသည်။
“နံနက် ၇ နာရီကျော်လောက်မှာ သုဝဏ္ဏနယ်မြေစခန်းရှေ့ထောင့်နားမှာ ဖြစ်သွားတာပါ။ လူထိခိုက်ဒဏ်ရာရရှိတာတော့ မရှိပါဘူး” ဟု ရဲတပ်ဖွဲ့နှင့်နီးစပ်သည့် အသိုင်းအဝန်းထံမှ သိရသည်။
အဆိုပါပေါက်ကွဲမှုဖြစ်ပွားပြီးနောက် လုံခြုံရေးတပ်ဖွဲ့ဝင်များက သုဝဏ္ဏရဲစခန်းရှေ့အနီး၌ လမ်းပိတ်ဆို့စစ်ဆေးမှုများ လုပ်ဆောင်ခဲ့ကြောင်း သိရသည်။
“မနက် ရနာရီကျော်လောက်မှာ ပေါက်ကွဲသံအကျယ်ကြီး နှစ်ချက်ကြားရတယ်။ နောက်တော့မှ သုဝဏ္ဏစခန်းနားမှာ ပေါက်ကွဲမှုဖြစ်တယ်လို့ သိရတယ်။ သုဝဏ္ဏဘက်ကနေ သာကေတဘက်လာတဲ့ ကားတွေကိုတော့ ကမာကြည်တံတားပေါ်မှာ စစ်တယ်။ နောက်ပြီး စခန်းဘက်နားမှာလည်း ပိတ်ဆို့စစ်ဆေးမှုတွေလုပ်တယ်လို့ သိရတယ်” ဟု အနီးပတ်ဝန်းကျင်နေထိုင်သူများက ပြောကြားသည်။
