​​​​​​ဗယ်လက်ကာနိုကို (၁-၁)ဂိုးသရေကျခဲ့တဲ့ လာလီဂါပွဲစဉ် (၁၄) အဝေးကွင်းပွဲစဉ်အပြီးမှာ ဘာစီလိုနာအသင်းနည်းပြ ဇာဗီက အသင်းရဲ့ကစားပုံနဲ့ပတ်သက်ပြီး အားမလိုအားမရဖြစ်ရတဲ့အခြေအနေတွေကို ဖွင့်ဟခဲ့တယ်။ "ကျွန်တော်တို့အသင်းဟာ ပွဲချိန်နှစ်ပိုင်းကို မတူညီတဲ့အခြေအနေနဲ့ကစားသွားခဲ့တယ်။ နှစ်ပိုင်းစလုံးမှာ ပြီးပြည့်စုံတဲ့အခြေအနေမရှိခဲ့ဘဲ အားနည်းချက်၊ အားသာချက်ကိုယ်စီနဲ့အတူ ရမှတ်ဆုံးရှုံးခဲ့တာပါ။ ဒီအခြေအနေတွေကို ပြန်လည်သုံးသပ်ပြီး လာမယ့်ပွဲစဉ်တွေအတွက် အဖြေရှာရပါမယ်" လို့ ဇာဗီက ဗယ်လက်ကာနိုနဲ့ ပွဲအပြီးမှာ ပြောကြားခဲ့တယ်။