မန္တလေးမြို့ ချမ်းအေးသာစံမြို့နယ် လမ်း ၃၀၊ ၇၂ လမ်းနှင့် ၇၃ လမ်းကြားရှိ အောင်မိသားစုရွှေဆိုင် ဓားပြတိုက်ခံရမှု ယနေ့ (နိုဝင်ဘာ ၁၇ ရက်) နံနက် ၁၀ နာရီခွဲခန့်က ဖြစ်ပွားခဲ့ကြောင်း သတင်းရရှိသည်။
ချမ်းအေးသာစံမြို့နယ်၊ လမ်း ၃၀၊ ၇၂ လမ်းနှင့် ၇၃ လမ်းကြား ယခင်မီးဘေးသင့် မင်္ဂလာစျေးဟောင်းအနီး ဖွင့်လှစ်ထားသည့် အောင်မိသားစုရွှေဆိုင်ကို သေနတ်ကိုင်ဆောင်ထားသူများက ကားတစ်စီးဖြင့် ရောက်ရှိလာပြီး သေနတ်ပစ်ဖောက်ကာ ရွှေထည်များကို လုယက်ယူဆောင်သွားခဲ့ခြင်းဖြစ်သည်ဟု သိရသည်။
ဆိုင်ရှိ ရွှေထည်များအားလုံးနီးပါး ယူဆောင်သွားခြင်းခံရသည်ဟုသိရပြီး တန်ဖိုးကိုမူ မသိရသေးဘဲ ဓားပြတိုက်ခံရမှုနှင့်ပတ်သက်၍ တာဝန်ရှိသူများမှ စစ်ဆေးလျက်ရှိကြောင်း သိရသည်။
