အစိုးရသစ်သက်တမ်းတစ်လျှောက်တွင် ဘတ်ဂျက်လိုငွေ ကျပ်ဘီလျံ ၁၀၀၀၀ ကျော်ရှိခဲ့ပြီး လိုငွေ၏ ၄၀ ရာခိုင်နှုန်းခန့်ကို အစိုးရက ငွေစက္ကူများရိုက်ထုတ်ခြင်းဖြင့် ဖြေရှင်းခဲ့ကြောင်း အမျိုးသားဒီမိုကရေစီအဖွဲ့ချုပ်၏ စီးပွားရေးကော်မတီ (ဗဟို) မှ ဦးမျိုးမြင့်က ဝေဖန်ပြောကြားသည်။အစိုးရ၏အသုံးစရိတ်များအား ပြည်သူများသိရှိခွင့်မရှိခဲ့သည့် ယခင်အစိုးရလက်ထက်မှ အစိုးရသစ်ကတာဝန်များ စတင်လွှဲပြောင်းရယူစဖြစ်သည့် ၂၀၁၁-၁၂ ဘဏ္ဍာနှစ်တွင် ဘတ်ဂျက်လိုငွေစုစုပေါင်းမှာ ၂၁၅၉၅၃၄ ကျပ်သန်းအထိရှိခဲ့ကြောင်း သိရသည်။ ၂၀၁၂-၂၀၁၃ ဘဏ္ဍာနှစ်အတွက် ဘတ်ဂျက်လိုငွေစုစုပေါင်းမှာ ၁၉၅၃၇၁၂ ကျပ်သန်းဖြစ်ကာ ၂၀၁၃-၂၀၁၄ ဘဏ္ဍာနှစ်အတွက် စုစုပေါင်းဘတ်ဂျက်လိုငွေမှာ ၂၉၂၆၈၉၈ ဒသမ ၈၉၈ ဘီလျံဖြစ်သည်။ လက်ရှိဘဏ္ဍာနှစ်ဖြစ်သည့် ၂၀၁၄-၂၀၁၅ ဘဏ္ဍာနှစ်တွင်မူ ဘတ်ဂျက်လိုငွေစုစုပေါင်းမှာ ၂၇၅၁ ဘီလျံကျပ်အထိဖြစ်ပေါ်နေကြောင်း သိရသည်။လက်ရှိအချိန်တွင် ရေးဆွဲနေသည့် ၂၀၁၅-၁၆ ဘဏ္ဍာနှစ်အတွက် ဘတ်ဂျက်လိုငွေမှာ ကျပ်ဘီလျံ ၃၈၀၀ ကျော်အထိရှိနေပြီး ထိုကဲ့သို့ နှစ်စဉ်လိုငွေပြဘက်ဂျတ်ကိုသာရေးဆွဲနေခြင်းမှာ ဖြစ်သင့်မှုမရှိကြောင်း အမျိုးသားဒီမိုကရေစီအဖွဲ့ချုပ်၏ စီးပွားရေးကော်မတီ(ဗဟို)မှ ဦးစိန်ဌေးကမေးခွန်းထုတ်သည်။
မြန်မာနိုင်ငံရဲ့ ဘတ်ဂျက်လိုငွေပြဿ နာကို ပြည်သူတွေက ၄၀ ရာခိုင်နှုန်းလောက်အထိခံစားနေရတယ်။ ဆိုလိုတာက ဘတ်ဂျက်လိုငွေရဲ့ ၄၀ ရာခိုင်နှုန်းလောက်ကို ငွေရိုက်ထုတ်မှုနဲ့ ဖြေရှင်းနေရတယ်
မြန်မာနိုင်ငံတွင် ငွေကြေးရိုက်ထုတ်မှုများအဖြစ် ၂၀၁၀-၂၀၁၁ ဘဏ္ဍာနှစ်တွင် ၆၃ ၃၁ ဒသမ ၈၀ ဘီလျံ၊ ၂၀၁၁-၂၀၁၂ ဘဏ္ဍာ နှစ်တွင် ၆၇၂၂ ဒသမ ၆၂ ဘီလျံနှင့် ၂၀၁၂-၂၀၁၃ ဘဏ္ဍာနှစ်တွင် ၉၀၄၆ ဒသမ ၁၉ ဘီလျံ ရိုက်ထုတ်ခဲ့ပြီး ၂၀၁၃-၂၀၁၄ ဘဏ္ဍာနှစ်တွင်မူ ၂၀၁၂-၂၀၁၃ ဘဏ္ဍာနှစ်ထက် အနည်းငယ်လျော့နည်းရိုက်ထုတ်ခဲ့ကြောင်း မူဝါဒဆိုင်ရာ စီးပွားရေးပညာရှင်ဖြစ်သူ ဒေါက်တာအောင်ကိုကိုက ပြောကြားသည်။"ဘတ်ဂျတ်လိုငွေကို ဘယ်လိုနည်းတွေနဲ့ဖြေရှင်းနေလည်း။ ငွေစက္ကူတွေရိုက်ထုတ်နေမှုနဲ့ပဲဖြေရှင်းနေလား။ ငွေတိုက်စာချုပ်တွေရောင်းချတာနဲ့ပဲ ဖြေရှင်းနေလား။ ပြည်ပချေးငွေတွေနဲ့ပဲဖြေရှင်းနေလား သိဖို့လိုတယ်" ဟု ဒေါက်တာအောင်ကိုကိုကမေးခွန်းထုတ်သည်။ယခင်တပ်မတော်အစိုးရလက်ထက်တွင် ဘက်ဂျတ်လိုငွေပြဿနာကို ငွေစက္ကူ ရိုက်ထုတ်ခြင်းဖြင့်သာ အဓိကဖြေရှင်းခဲ့ရပြီး အစိုးရငွေတိုက်စာချုပ်များရောင်းချမှုမှာလည်း ငွေဖောင်းပွမှုအခြေအနေကြောင့် အစိုးရငွေတိုက်ဘေလ်များနှင့် ကာလရှည်ငွေချေးစာချုပ်များကို စိတ်ဝင်စားမှုနည်းပါးခဲ့ကြောင်းနှင့် နိုင်ငံတကာတွင် မျက်နှာသာရမှုမရှိခြင်းကြောင့် ပြည်ပချေးငွေရရှိမှုနည်းပါးခဲ့ကြောင်း စီးပွားရေးပညာရှင်များကဝေဖန်ထားသည်။"မြန်မာနိုင်ငံရဲ့ ဘတ်ဂျက်လိုငွေပြဿ နာကို ပြည်သူတွေက ၄၀ ရာခိုင်နှုန်းလောက်အထိခံစားနေရတယ်။ ဆိုလိုတာက ဘတ်ဂျက်လိုငွေရဲ့ ၄၀ ရာခိုင်နှုန်းလောက်ကို ငွေရိုက်ထုတ်မှုနဲ့ ဖြေရှင်းနေရတယ်ပေါ့ဗျာ။ ငွေတိုက်စာချုပ်တွေ ကာလရှည်ငွေချေးစာချုပ်တွေကြတော့ ငွေဖောင်းပွမှုကြောင့် ဝယ်ယူသူနည်းပါတယ်" ဟု ဦးမျိုးမြင့်ကဆိုသည်။
