ဒါဝင်နူးနက်ဇ်၏ အကောင်းဆုံးပုံစံကို ယခုရာသီတွင် မြင်တွေ့ရမည်ဟု လီဗာပူးလ်ကွင်းလယ်ကစားသမား မက်အယ်လစ္စတာ ပြောကြား
Photo: Goal.com
လီဗာပူးလ်အသင်း၏ ကွင်းလယ်ကစားသမား မက်အယ်လစ္စတာက တိုက်စစ်မှူး ဒါဝင်နူးနက်ဇ်၏ အကောင်းဆုံးပုံစံကို ယခုရာသီတွင် မြင်တွေ့ရမည်ဟု ပြောကြားခဲ့သည်။
ဒါဝင်နူးနက်ဇ်သည် ပြီးခဲ့သည့်ရာသီတွင် ဝေဖန်ပြစ်တင်မှုများနှင့် ရင်ဆိုင်ခဲ့ရသော်လည်း ယခုရာသီ၌ ပြိုင်ပွဲစုံ(၇)ပွဲတွင် (၄)ဂိုးသွင်းပြီး ခြေစွမ်းပြလျက်ရှိသည်။
ထို့ကြောင့် အယ်လစ္စတာက "သူက ပိုပိုပြီးကောင်းလာတယ်လို့ ကျွန်တော် ထင်ပါတယ်။ ဒီရာသီမှာ သူ့ရဲ့အကောင်းဆုံးပုံစံကို မြင်တွေ့ရလိမ့်မယ်လို့ လည်း ထင်ပါတယ်။ သူက နှစ်လိုဖွယ်ကောင်းတဲ့ လူတစ်ယောက်ဖြစ်ပြီး အလုပ်လည်း အရမ်းကြိုးစားပါတယ်။ သူ ခြေစွမ်းပြနိုင်တဲ့အတွက် ကျွန်တော် ကျေနပ်မိပါတယ်"ဟု ပြောကြားခဲ့သည်။
