မွန်ပြည်နယ်၊ မော်လမြိုင်မြို့၊ ဇေယျာ (၁) ရပ်၊ ၇ လမ်း တွင် သြဂုတ် ၂ ရက် ည ၈ နာရီဝန်းကျင် ခန့်က အမျိုးသားတစ်ဦး ဆိုင်ကယ် တိမ်းမှောက်ပြီး ရေထဲပြုတ်ကျကာ သေဆုံးမှု ဖြစ်ပွားခဲ့ကြောင်း ရပ်ကွက်နေပြည်သူများ၏ ပြောကြားချက်များအရ သိရသည်။
ရေထဲပြုတ်ကျ သေဆုံးနေသူမှာ အသက် (၃၀) နှစ်အရွယ်ခန့်ရှိ အမျိုးသားတစ်ဦး ဖြစ်ကြောင်းနှင့် မည်သည့်အချိန်တွင် ဆိုင် ကယ် တိမ်းမှောက်ကာ ဆိုင်ကယ်ရော လူပါ ရေထဲပြုတ်ကျနေသည်ကို မသိရကြောင်း ရပ်ကွက်နေ ပြည်သူတစ်ဦးက ပြောကြား သည်။
၎င်းကဆက်လက်ပြီး “မနေ့ည (သြဂုတ်လ ၂ ရက်) က မိုးကလည်းတော်တော်ရွာ တယ်။ ရေတွေကလည်း တက်နေတယ်။ အဲ့ဒီ ဆိုင်ကယ်နဲ့လူက ဘယ်အချိန်ကတည်းက ကျနေလဲတော့ မသိဘူး။ တွေ့တဲ့အချိန်မှာ ရေထဲ မှောက်လျက်သားလေးဖြစ်နေတယ်။ လူမှုကူညီကယ်ဆယ်ရေးအဖွဲ့တွေ လာဆယ် ကြတော့ အသက် မရှိတော့ဘူး”ဟု ပြောကြား သည်။
ရေထဲပြုတ်ကျ သေဆုံးခဲ့သူ၏ ရုပ်အ လောင်းအား ကျန်းမာချမ်းသာ လူမှုကယ် ဆယ်ရေးအဖွဲ့ မှ မော်လမြိုင်ဆေးရုံကြီးသို့ ပို့ဆောင်ပေးခဲ့ပြီး ထိုမှတစ်ဆင့် ရင်ခွဲရုံသို့ ထပ်မံ ပို့ဆောင်ကူညီပေးခဲ့ကြောင်း သိရ သည်။
