အမေရိကန်အမျိုးသမီးဝါရင့်တိုက်စစ်မှူး ရက်ပီးနိုးသည် ယခုရာသီကုန်တွင် ကစားသမားဘဝမှ အနားယူမည်ဟု ရုတ်တရက်ကြေညာခဲ့သည်။

အသက်(၃၈)နှစ်အရွယ်ရှိ ရက်ပီးနိုးသည် ပြီးခဲ့သည့်တနင်္ဂနွေနေ့က ကစားခဲ့သည့် ဝေးလ်စ်အသင်းနှင့်ပွဲတွင် နိုင်ငံတကာပွဲ(၂၀၀)ပြည့်ခဲ့ပြီး ယင်းပွဲမတိုင်မီ ပွဲကြိုသတင်းစာရှင်းလင်းပွဲတွင် အနားယူမည့်အကြောင်း ကြေညာခဲ့ခြင်းဖြစ်သည်။

ရက်ပီးနိုးသည် အမျိုးသမီးကမ္ဘာ့ဖလားပြိုင်ပွဲတွင် နောက်ဆုံးဗိုလ်စွဲထားသည့် ၂၀၁၅၊ ၂၀၁၉ ပြိုင်ပွဲအပါအဝင် (၃)ကြိမ်တိုင် ပါဝင်ကစားခဲ့ပြီးဖြစ်သည်။