မြန်မာ့မီးရထားက ရန်ကုန်၊ မန္တလေး၊ မော်လမြိုင်နှင့် ပြည်ဘူတာ စသည့် ဘူတာကြီးလေးခုတွင် မီးရထားလက်မှတ်များကို အွန်လိုင်းစနစ်ဖြင့် ဝယ်ယူနိုင်ရန် ဆောင်ရွက်နေကြောင်း သတင်းရရှိသည်။
မြန်မာ့မီးရထားက ရန်ကုန်-မန္တလေး ရထားလမ်းပိုင်းအဆင့်မြှင့် တင်မှုတွင် ဘူတာရုံများ၊ အချက်ပြစနစ်များ၊ ရထားလမ်းကူးဂိတ်များကို တစ်ပြိုင်တည်း အဆင့်မြှင့်တင် လုပ်ဆောင်နေပြီး မီးရထားလက်မှတ်များကို အွန်လိုင်းစနစ်ဖြင့် ဝယ် ယူနိုင်ရန် ဆောင်ရွက်နေခြင်းဖြစ်သည်။
“မီးရထားလက်မှတ်တွေကို အွန်လိုင်းစနစ်နဲ့ ခရီးသွားပြည်သူတွေ အလွယ်တကူဝယ်ယူနိုင်ရန် ဘူတာကြီးလေးခုဖြစ်တဲ့ ရန်ကုန်၊ မန္တလေး၊ မော်လမြိုင်နှင့် ပြည်ဘူတာတို့မှာ စတင်ရောင်းချနိုင်အောင် စီစဉ်နေပါတယ်” ဟု မြန်မာ့မီးရထား က တာဝန်ရှိသူတစ်ဦးက ဆိုသည်။
မြန်မာ့မီးရထားက ခရီးသည်များအဆင်ပြေလွယ်ကူစွာသွားလာနိုင်ရန် ဧပြီ ၇ ရက်နေ့မှစတင်ကာ ရန်ကုန်-နေပြည်တော်-မန္တလေး လေအိတ်အဆန်အထူးအမြန် ရထားခရီးစဉ်အားပြေးဆွဲခဲ့ကြောင်း သတင်း ရရှိသည်။
မြန်မာ့မီးရထားက သင်္ကြန်ကာလအတွင်း ခရီးသည်များအဆင် ပြေလွယ်ကူစွာ သွားလာနိုင်ရန် ဧပြီ ၇ ရက်နေ့မှစတင်ကာ ရန်ကုန်မြို့မှ မန္တလေး၊ နေပြည်တော်၊ မော်လမြိုင်နှင့် ပြည်မြို့များသို့ အထူးရထား ခရီးစဉ်များ ပြေးဆွဲခဲ့ကြောင်း သတင်းရရှိသည်။
မြန်မာ့မီးရထားက ပြေးဆွဲခဲ့သည့် သင်္ကြန်အထူးရထားခရီးစဉ်များမှာ ရန်ကုန်-မန္တလေး-ရန်ကုန်၊ နေပြည်တော်-ရန်ကုန်-နေပြည် တော်၊ ရန်ကုန်-ပြည်-ရန်ကုန်နှင့် ရန်ကုန်-မော်လမြိုင်-ရန်ကုန် ခရီးစဉ်များကို ပုံမှန်ရထားများအပြင် အထူးရထားများ ပြေးဆွဲခဲ့ခြင်းဖြစ်သည်။
သင်္ကြန် အထူးရထားခရီးစဉ်များအနေဖြင့် ဧပြီ ၇ ရက်တွင် ရန်ကုန်-မန္တလေး၊ မန္တလေး-ရန်ကုန်နှင့် နေပြည်တော်-ရန်ကုန် သင်္ကြန် အထူးရထားများကိုလည်းကောင်း၊ ဧပြီ ၈ ရက်နေ့တွင် ရန်ကုန်-မန္တ လေး၊ မန္တလေး-ရန်ကုန်၊ ရန်ကုန်-မော်လမြိုင်၊ မော်လမြိုင်၊ ရန်ကုန်-ပြည်နှင့် ပြည်-ရန်ကုန် အထူးရထားများကိုလည်းကောင်း၊ ဧပြီ ၁၇ ရက်တွင် ရန်ကုန်-မန္တလေး၊ မန္တလေး-ရန်ကုန်၊ ရန်ကုန်-နေပြည်တော်၊ ရန်ကုန်-မော်လမြိုင်၊ မော်လမြိုင်၊ ရန်ကုန်-ပြည်နှင့် ပြည်-ရန်ကုန် အထူးရထားခရီးစဉ်များကိုလည်းကောင်း ပြေးဆွဲခဲ့ခြင်းဖြစ်သည်။
အဆိုပါနေ့ရက်များအပြင် ခရီးသွား ပြည်သူများ လိုက်ပါစီးနင်းမှု ပေါ်မူတည်ကာ လိုအပ်ပါက ဧပြီလ ၁၈ ရက်တွင်လည်း အထူးရထားများကို ထပ်တိုးပြေးဆွဲပေးသွားမည်ဖြစ်ပြီး သင်္ကြန်အကြိုနေ့ဖြစ်သည့် ဧပြီ ၁၃ရက်နေ့မှ သင်္ကြန်အတက်နေ့ ဖြစ်သည့် ၁၆ ရက်နေ့အထိ လူစီးရထားများအားလုံး ပြေးဆွဲမှု ခေတ္တရပ်နားထားမည်ဖြစ်သည်။
ရထားစီးပြည်သူများအနေဖြင့် အထက်တန်းလက်မှတ်များအား သုံးရက်ကြိုတင်၍လည်းကောင်း၊ ရိုးရိုးတန်းလက်မှတ်ကို တစ်ရက် ကြိုတင်၍လည်းကောင်း ရောင်းချပေးသွားမည်ဖြစ်ပြီး ဌာနဆိုင်ရာ ဝန်ထမ်းများအနေဖြင့် လျှောက်လွှာများဖြင့် ကြိုတင်ဝယ်ယူနိုင်မည်ဖြစ်ကြောင်း သိရသည်။
မြန်မာ့မီးရထားက အမြန် ရထားခရီးစဉ်များအနေဖြင့် ရန်ကုန်-မန္တလေး၊ ရန်ကုန်-ပြည်၊ ရန်ကုန်-မော်လမြိုင်နှင့် ရန်ကုန်-ပုဂံ ခရီးစဉ်များကို ပြေးဆွဲပေးနေကြောင်း သိရသည်။
မြန်မာ့မီးရထားက နယ်ဝေးရထားခရီးစဉ်များအဖြစ် ရန်ကုန်- မန္တလေးလမ်းပိုင်း၌ အမြန်ရထား လေးစင်း၊ စာပို့ရထားနှစ်စင်း၊ ရန်ကုန်-ပြည်လမ်းပိုင်းတွင် အမြန် ရထားနှစ်စင်း၊ စာပို့ရထားနှစ်စင်း၊ ရန်ကုန်-မော်လမြိုင်ညရထား အပါအဝင် လမ်းပိုင်းအသီးသီးတွင် လူစီးနှင့် ကုန်တင်ရထားများပြေးဆွဲပေးလျက်ရှိကြောင်း သိရသည်။
မြန်မာ့မီးရထားက ရန်ကုန်-မန္တလေးလမ်းပိုင်းတွင် အမြန်ရထားလေးစင်း၊ စာပို့ရထားနှစ်စင်း၊ ရန်ကုန်-မော်လမြိုင်လမ်းပိုင်းတွင် အမြန်ရထားနှစ်စင်း၊ ရန်ကုန်- ပြည်လမ်းပိုင်းတွင် အမြန်ရထားနှစ်စင်း၊ စာပို့ရထား နှစ်စင်း၊ ရန်ကုန်-ပဲခူးလမ်းပိုင်းတွင် ရထားနှစ်စင်း၊ ပုသိမ် - ဟင်္သာတ- ကြံခင်းလမ်းပိုင်းတွင် စာပို့ရထားနှစ်စင်း၊ ပျဉ်းမနား-တောင်တွင်းကြီးလမ်းပိုင်းတွင် လူစီး ကုန်တင်ရထား နှစ်စင်း၊ သာစည်-ရွှေညောင်လမ်းပိုင်းတွင် စာပို့ရထား နှစ်စင်း၊ ပြင်ဦးလွင်-ဂုတ်ထိပ်လမ်းပိုင်းတွင် အမြန်ရထားနှစ်စင်း၊ ပြည်တော်သာ- ရေချမ်းပြင်လမ်းပိုင်းတွင် ရထားလေးစင်း၊ တောင်ကြီး- ဆိုက်ခေါင်လမ်းပိုင်းတွင် လူစီး ကုန်တင်ရထားနှစ်စင်း စုစုပေါင်း ၂၈ စင်းနှင့် ရန်ကုန်မြို့ပတ်ရထား ၂၆ စင်းစုစုပေါင်း လူစီးရထား ၅၄ စင်း ပြေးဆွဲပေးနေခြင်းဖြစ်သည်။
