လာလီဂါအဖွဲ့ချုပ်ဥက္ကဋ္ဌ တီဘက်စ်က ဥရောပစူပါလိဂ်သည် အဘွားယောင်ဆောင်သည့် ဝံပုလွေတစ်ကောင်ဖြစ်သည်ဟု ပြောကြားခဲ့သည်။
တီဘက်စ်သည် ဥရောပစူပါလိဂ်ကို ကန့်ကွက်သူတစ်ဦးဖြစ်သည့်အပြင် ယင်းပြိုင်ပွဲအား အကောင်အထည်ဖော်ရန် ဦးဆောင်နေသည့် ရီးယဲလ်နှင့် ဘာစီလိုနာအသင်းတို့ကို အလိုမကျဖြစ်နေသူလည်းဖြစ်သည်။
တီဘက်စ်က "စူပါလိဂ်က အဘွားယောင်ဆောင်ထားတဲ့ ဝံပုလွေဖြစ်ပြီး ဥရောပဘောလုံးလောကကို အရူးလုပ်ဖို့ ကြိုးစား နေတာပါ။ ဒါပေမဲ့ သူ့ရဲ့ နှုတ်သီးနဲ့ သွားတွေက အရမ်းကြီးမားနေပါတယ်"ဟု Twittter တွင် ရေးသားခဲ့သည်။
စူပါလိဂ်ကို ဥရောပကလပ်အသင်းများအဖွဲ့အစည်းကလည်း ပြစ်တင်ကန့်ကွက်မှု ပြုလုပ်ထားကြောင်း သိရသည်။
