စပါးအသင်း၏ ကြံ့ခိုင်ရေးနည်းပြဖြစ်သည့် ဂျီယန်ပီယာရိုဗန်ထရိုနီ(၆၂ နှစ်)သည် ကြာသပတေးနေ့က သွေးကင်ဆာရောဂါဖြင့် ကွယ်လွန်သွားခဲ့ကြောင်း သိရသည်။
၎င်းသည် လေ့ကျင့်ရေးကွင်းတွင် ကစားသမားများကို ပြင်းပြင်းထန်ထန် လေ့ကျင့်မှုပြုလုပ်ရန် တွန်းအားပေးလေ့ရှိသူအဖြစ် ကျော်ကြားသူဖြစ်ပြီး စပါးနည်းပြ ကွန်တီ အားထားသော နည်းပြအဖွဲ့ ဝင်တစ်ဦးလည်းဖြစ်သည်။
ထို့ကြောင့် ၎င်း၏သေဆုံးမှုကို စပါးအသင်းက ဝမ်းနည်းကြေကွဲကြောင်း ထုတ်ပြန်ကြေညာခဲ့ပြီး အသင်းအတွက် ဝမ်းနည်းစရာနေ့တစ်နေ့ဖြစ်သည်ဟုလည်း ဆိုခဲ့သည်။
