လာမည့်​​ရွေး​ကောက်ပွဲတွင် ကိုယ်စားလှယ်​လောင်း၏ ပညာအရည်အချင်းအား သတ်မှတ်ရန် လျာထား​ကြောင်း ပြည်​ထောင်စု​ရွေး​ကောက်ပွဲ​ကော်မရှင်(UEC) ​အဖွဲ့ဝင် ဦး​ခင်​မောင်ဦးက ပြောကြားသည်။

ဇွန် ၁၆ ရက်က ​နေပြည်​တော်ရှိ ပြန်ကြား​ရေးဝန်ကြီးဌာနတွင်း ကျင်းပသည့် နိုင်ငံ​တော်စီမံအုပ်ချုပ်​ရေး​ကောင်စီ သတင်းထုတ်ပြန်​ရေးအဖွဲ့၏ သတင်းစာရှင်းလင်းပွဲတွင် လာမည့် ​ရွေး​ကောက်ပွဲတွင် ကိုယ်စားလှယ်များ၏ ပညာ​အရည်အချင်းအား ကန့်သတ်ထားခြင်း ရှိ၊ မရှိ သတင်း​ထောက်တစ်ဦး​မေးမြန်းမှုကို ပြန်လည်​ဖြေကြားရာတွင် ဦးခင်​မောင်ဦးက အထက်ပါအတိုင်း ထည့်သွင်း​​ဖြေကြားခဲ့ခြင်းဖြစ်သည်။

" ကျွန်​တော်တို့ ပြည်​ထောင်စု​​ရွေး​ကောက်ပွဲ​ကော်မရှင်အ​နေနဲ့​တော့ ပြီးခဲ့တဲ့ လွှတ်​တော်သက်တမ်း၊ ​နောက်ပြီး​တော့ နိုင်ငံ​ရေးပါတီများကို သွားပြီး​တော့ စစ်​ဆေးတဲ့ အ​ခြေအ​နေ​တွေ၊ ဒီဟာ​​တွေကို သုံးသပ်ပြီး​တော့ ကိုယ်စားလှယ်​လောင်းရဲ့ ပညာအရည်အချင်း ဒါ​​တွေဟာ သက်မှတ်သင့်တဲ့ အတိုင်းအတာတစ်ခုကို ကျွန်​တော်တို့ သက်မှတ်ဖို့ ဥပ​ဒေထဲမှာ လျာထား​ဆောင်ရွက်ထားပါတယ်။ အတည်ပြု ပြဌာန်းပြီးရင်​တော့ သိရှိရမှာ ဖြစ်ပါတယ်။ အတည်ပြု ပြီးရင်​တော့ ဒီအတိုင်းအတာကို သိရမှာ ဖြစ်ပါတယ်" ဟု ဦးခင်​မောင်ဦးက ​ပြောကြားသည်။

လွှတ်​တော်ကိုယ်စားလှယ်​များသည် အချုပ်အခြာ အာဏာ သုံးရပ်တွင်ပါဝင်သည့် ဥပ​ဒေပြု​ရေးမဏ္ဍိုင်​တွင် အဓိကတာဝန်ထမ်း​ဆောင်ရခြင်းဖြစ်​ကြောင်း ဦးခင်​မောင်ဦးက ​ပြောကြားသည်။

ဦးခင်​မောင်ဦးက " အလားတူပဲ ​ရွေးချယ်ခံရရင် ကျွန်​တော်တို့က အုပ်ချုပ်မဏ္ဍိုင်ကိုပါ တာဝန်ထမ်း​ဆောင်ရတာ ဖြစ်တဲ့အတွက် လွှတ်​တော်ကိုယ်စားလှယ်များဟု အ​ရေးပါပါတယ်။ ဒါ​ကြောင့် သူတို့ရဲ့ အရည်အချင်းနဲ့ စွမ်း​ဆောင်ရည် မြင့်မားဖို့လည်း လိုအပ်ပါတယ်" ဟု ​ပြောကြားသည်။

လွှတ်​တော်ကိုယ်စားလှယ်​လောင်း တစ်ဦးချင်းစီ၏  ပိုင်ဆိုင်မှု၊ ပစ္စည်းဥစ္စာ၊ စီးပွား​ရေးများနှင့်ပတ်သက် ကန့်သတ်မှု မရှိ​သော်လည်း ပါတီ​​များအား စစ်​ဆေး​သည့် အ​နေအထားအရ သက်ဆိုင်ရာ ပါတီ​များအ​နေနှင့် ပါတီတစ်ခုချင်းသည် ရှိသင့်သည် ဥစ္စာပိုင်ဆိုင်မှု၊ ဘဏ္ဍာရန်ပုံ​ငွေ ရှိရန်လိုအပ်​ကြောင်း ဦးခင်​​မောင်ဦးက ​ပြောကြားသည်။