.ထိုင်းနိုင်ငံအတွင်း အလုပ်အကိုင် ၁၆ မျိုးတွင် လုပ်ကိုင်နေကြေသော လုပ်သားများအား အခြေခံလုပ်ခလစာတိုးမြှင့် ပေးမည်ဖြစ်သော်လည်း မြန်မာ့ ရွှေ့ပြောင်းလုပ်သားများအတွက် တိတိကျကျ ဖော်ပြထားခြင်းမရှိဟု အလုပ်သမားအရေးကူညီဆောင်ရွက်နေသူများကပြောသည်။

ထိုင်းနိုင်ငံတွင် အခြေခံလုပ်ခလစာတိုးမြှင့်ခြင်းကို တပြေးညီ တိုးပေးခြင်းမပြုဘဲ အလုပ်အကိုင်စွမ်းရည်ကိုအခြေခံပြီး ကျွမ်းကျင်လုပ်သား ၁၆ မျိုးကိုသာအခြေခံလုပ်ခလစာတိုးမြှင့်ပေးရန် ထိုင်းတော်ဝန်ပြန်တမ်း၏ ဇွန်လ ၉ ရက်နေ့မှာ အတည်ပြုထုတ်ပြန်ထားသည်ဟုဆိုသည်။

မဲဆောက်မြို့တွင်နေထိုင်ပြီး အလြပ်သမားအရေးဆောင်ရွက်နေသည့် မြန်မာပြည်သားများအရေးပူးတွဲလှုပ်ရှားမှုကော်မတီ(JACBA) ဥက္ကဋ္ဌ  ဦးမိုးကြိုးက "ထိုင်းဥပဒေ အရ အဲဒီအလုပ်အကိုင် ၁၆ မျိုးအနက်မှာ.. ဆောက်လုပ်ရေးအလုပ်အကိုင်မှ မျက်နှာကျက်တပ်ဆင်ခြင်းလုပ်ငန်း၊ ကြွေပြားခင်းလုပ်ငန်း၊ ဆေးသုတ်လုပ်ငန်း၊ အုတ်ဆီလုပ်ငန်း၊ ဝန်ဆောင်မှုအလုပ်အကိုင်မှ အစားသောက်ဆိုင်နှင့်ဟိုတယ်လုပ်ငန်းရှိအစားအသောက်နှင့်အဖျော်ယမကာဝန်ဆောင်မှုလုပ်ငန်း၊ သက်ကြီးရွယ်အိုပြုစုရေးလုပ်ငန်း စသည့်လုပ်ငန်း ၆ မျိုးကိုသာ မြန်မာလုပ်သားများကို လုပ်ကိုင်ခွင့်ပေးထားပါတယ်။မိခင်ထိုင်း နိုင်ငံသားတွေအတွက်အဓိကထားပြီး ခေတ်ကာလကုန်စျေးနှုန်း၊လူနေမှုအနေအထားနဲ့အညီတိုးပေးပုံရပါတယ်'ဟုဆိုသည်။

လုပ်ငန်းခွင်  ၁၆ မျိုးကို အခြေခံလုပ်ခလစာတိုးမြှင့်ပေးရာတွင် ထိုင်းအမျိုးသားလုပ်သားစွမ်းရည်စံညွှန်းအပေါ်အခြေခံပြီး ထည့်စဉ်းစားထားသည်ဟု ဆိုသည်။

.ဆောက်လုပ်ရေးအလုပ်အကိုင် ၅ မျိုး

၁။ မျက်နှာကျက်တပ်ဆင်ကျွမ်းကျင်လုပ်သား ၁ ရက် ၄၅၀ ဘတ်မှ ၅၉၅ ဘတ်

၂။ ကွန်ပြူတာဖြင့်အဆောက်အဦးဒီဇိုင်းရေးဆွဲကျွမ်းကျင်လုပ်သား ၁ ရက် ၆၄၅ ဘတ်

၃။ နံရံနှင့်ကြမ်းခင်းကြွေပြားကပ်ကျွမ်းကျင်လုပ်သား ၁ရက် ၄၅၀ ဘတ် မှ ၆၅၀ ဘတ်

၄။ ဆေးသုတ်ကျွမ်းကျင်လုပ်သား ၁ရက် ၄၆၅ ဘတ် မှ ၆၀၀ ဘတ်

၅။ အပေါ့စားကွန်ကရစ်အုတ်ဆီကျွမ်းကျင်လုပ်သား ၁ရက် ၄၇၅ ဘတ် မှ ၅၇၅ ဘတ်

.

လက်မှုပညာအလုပ်အကိုင် ၄ မျိုး

၁။ ပန်းတိမ်ကျွမ်းကျင်လုပ်သား ၁ရက် ၄၅၀ ဘတ် မှ ၆၅၀ ဘတ်

၂။ ပရိဘောပကျွမ်းကျင်လုပ်သား ၁ရက် ၄၃၀ ဘတ် မှ ၅၅၀ ဘတ်

၃။ ရှေးဟောင်းလက်ဝတ်လက်စားပန်းတိမ်ကျွမ်းကျင်လုပ်သား (ရှေးဟောင်းနည်း) ၁ရက် ၅၂၅ ဘတ်

၄။ ငွေထည်ကြေးထည်ကျွမ်းကျင်လုပ်သား ၁ရက် ၆၂၅ ဘတ်

.

ဝန်ဆောင်မှုအလုပ်အကိုင် ၇ မျိုး

၁။ အလုံးစုံကျန်းမာရေးမြှင့်တင်ရေးပညာရှင် ထိုင်း Sapaya (အနှိပ်ကုထုံး) ၁ ရက် ၄၆၀ ဘတ် မှ ၅၇၅ ဘတ်

၂။ မုန့်လုပ်ကျွမ်းကျင်လုပ်သား ၁ရက် ၄၀၀ ဘတ် မှ ၅၀၅ ဘတ်

၃။ ဧည့်ကြိုဝန်ထမ်း ၁ရက် ၄၄၀ ဘတ် မှ ၅၆၅ ဘတ်

၄။ စားသောက်ဆိုင်နှင့်ဟိုတယ်လုပ်ငန်းရှိအစားအသောက်နှင့်အဖျော်ယမကာဝန်ဆောင်မှုအလုပ်သမားများ ၁ ရက် ၄၄၀ ဘတ်

၅။ အမျိုးသမီးဆံပင်အလှပြင်ကျွမ်းကျင်လုပ်သား ၁ စက် ၄၄၀ ဘတ် မှ ၆၅၀ ဘတ်

၆။ အမျိုးသားဆံပင်အလှပြင်ကျွမ်းကျင်လုပ်သား ၁ရက် ၄၃၀ ဘတ် မှ ၆၃၀ ဘတ်

၇။ သက်ကြီးရွယ်အိုပြုစုသည့်လုပ်ငန်း ၁ ရက် ၅၀၀ ဘတ်စသည်ဖြင့်ပါဝင်သည်။

"ဒီလို အခွင့်အရေး လုပ်ခလစာတွေ တိုးမြင့်ပေးတဲ့ ကိစ္စမှာ မိခင် ထိုင်းနိုင်ငံသားတွေ မလုပ်ချင်တဲ့ မလုပ်နိုင်တဲ့ အန္တရာယ်များတဲ့ အလုပ်တွေ ခက်ခဲကြမ်းတမ်းတဲ့အလုပ်တွေနဲ့ စည်ကမ်းစည်းမျည်းတင်းကြပ်တဲ့အလုပ်တွေကို ရွှေ့ပြောင်းလုပ်သားတွေက လုပ်ကိုင်ပေးနေရတဲ့အတွက်ထိုင်းနိုင်ငံရဲ့ ကုန်ထုတ်စွမ်းအားစု ထိုင်းနိုင်ငံရဲ့ကုန်သွယ်စီးပွားကို လည်းကြီးကြီးမားမားအထောက်ကူဖြစ်တဲ့အတွက်ရွှေ့ပြောင်းလုပ်သားတွေကိုလည်း အဲအလုပ် ၆မျိုးအတွက်ဘဲဖြစ်ဖြစ် အားလုံးအတွက်ပဲဖြစ်ဖြစ် ခံစားခွင့်ရသင့်ပါတယ်။သို့သော်လည်း ရှင်းရှင်းလင်းလင်းပြောထားတာမရှိသေးတဲ့အတွက် အခွင့်အရေးကို စောင့်မျော်နေရမှာဖြစ်ပါတယ်'ဟု လည်းဦးမိုးကြိုးကဖြည့်စွက်ပြောကြားခဲ့သည်။