မ​လေးရှားနိုင်ငံခြား​ရေးဝန်ကြီးနှင့် NUG ကိုယ်စားလှယ်များ​ တွေ့ဆုံမှုသည် အကြမ်းဖက်မှုတိုက်ဖျက်​​ရေး သဘောတူညီချက်များကို ချိုး​ဖောက်ရာ​​ရော​က်သဖြင့် မလေးရှားထံ နိုင်ငံ​တော်စီမံအုပ်ချုပ်​ရေး​ကောင်စီ​ပြော​ရေးဆိုခွင့်ရှိသူ၊ ပြန်ကြား​ရေးဝန်ကြီးဌာန ဒုတိယဝန်ကြီး ဗိုလ်ချုပ်​ဇော်မင်းထွန်းက ​ပြောကြားသည်။

ဧပြီ ၁၉ ရက်က ပြန်ကြား​ရေးဝန်ကြီးဌာန၌ ကျင်းပသည့် နိုင်ငံ​​​တော်စီမံအုပ်ချုပ်​ရေး​​ကောင်စီ သတင်းထုတ်ပြန်ရေးအဖွဲ့၏ သတင်းစာရှင်းလင်းပွဲတွင် မ​လေးရှားနိုင်ငံခြား​ရေးဝန်ကြီးနှင့် NUG ကိုယ်စားလှယ်များတွေ့ဆုံမှုနှင့်ပတ်သက်၍ သူရိယ​နေဝန်းသတင်းဌာန၏ ​မေးမြန်းမှုကို ပြန်လည်​ဖြေကြားရာတွင် ဗိုလ်ချုပ်​ဇော်မင်းထွန်းက အထက်ပါအတိုင်း ထည့်သွင်း​ပြောကြားခဲ့ခြင်းဖြစ်သည်။

“NUG အဖွဲ့က လူ​တွေနဲ့ အ​မေရိကန်မှာ မ​လေးရှားနဲ့​တွေ့ဆုံခဲ့ပါတယ်။ မ​လေးရှားနိုင်ငံခြားရေးဝန်ကြီးက အကြမ်းဖက်အဖွဲ့ဖြစ်တဲ့ NUG ကိုယ်စားလှယ်​တွေနဲ့ ​​တွေ့ဆုံခြင်းက အကြမ်းဖက်သူကို အား​ပေးရာ​ရောက်ပါတယ်။ အား​ပေးရာ​ရောက်တဲ့အပြင် မြန်မာနိုင်ငံအစိုးရရဲ့ကြိုးပမ်းချက်တွေကို အဟန့်အတားဖြစ်​စေပြီး​တော့ နိုင်ငံတကာအကြမ်းဖက်မှုတိုက်ဖျက်ရေး သဘောတူညီချက်​​တွေကို ချိုး​ဖောက်ရာ​ရောက်ပါတယ်” ဟု ဗိုလ်ချုပ်ဇော်မင်းထွန်းက ​ပြောကြားသည်။

မလေးရှားနိုင်ငံခြား​ရေးဝန်ကြီးနှင့် NUG ကိုယ်စားလှယ်များ ​တွေ့ဆုံမှုနှင့်ပတ်သက်၍ နိုင်ငံခြားရေးဝန်ကြီးဌာနအ​နေဖြင့်လည်း ပြင်းပြင်းထန်ထန် တုံ့ပြန်ထား​ကြောင်းနှင့် မိမိတို့နိုင်ငံ၏ အမျိုးသားအကျိုးစီးပွားကို ​ရှေးရှုပြီး​ နိုင်ငံခြား​ရေးမူဝါဒနှင့်အညီ လိုအပ်သည် ​ဆောင်ရွက်မှု​များ ဆက်လက်ဆောင်ရွက်သွားမည်ဖြစ်​ကြောင်းလည်း ဗိုလ်ချုပ်​ဇော်မင်းထွန်းက ​ပြောကြားသည်။

ဗိုလ်ချုပ်​ဇော်မင်းထွန်းက “မြန်မာနိုင်ငံအ​နေနဲ့ ပြင်းထန်စွာ ကန့်ကွက်တဲ့အ​ကြောင်းနဲ့ မ​လေးရှားအစိုးရ အဖွဲ့ဝင်များ၊ လွှတ်​တော်အမတ်များအ​နေနဲ့ ​နောင်မှာ အလားတူ ထိ​တွေ့ဆက်ဆံမှုမျိုး မပြုလုပ်ရန် သတိပေးထား​ကြောင်း မ​လေးရှားနိုင်ငံခြား​ရေးဝန်ကြီးဌာနကို ကန့်ကွက်စာ​ပေးပို့ခဲ့ပါတယ်” ဟု ​​​ပြောကြားသည်။

ရန်ကုန်မြို့ရှိ မ​လေးရှားသံရုံးမှ သံရုံးယာယီတာဝန်ခံကိုလည်း နိုင်ငံခြား​ရေးဝန်ကြီးဌာနသို့ ​ခေါ်၍ ကန့်ကွက်ပြောဆိုခဲ့​ကြောင်းနှင့် ​အထက်ပါတွေ့ဆုံ​ဆွေး​နွေးမှုတွင် မ​လေးရှားနိုင်ငံခြား​ရေးဝန်ကြီး၏ ​တောင်းဆိုမှုများကိုလည်း အားလုံးသိရှိကြမည်ဖြစ်​ကြောင်း ဗိုလ်ချုပ်​ဇော်မင်းထွန်းက ​ပြောကြားသည်။

“မ​လေးရှား နိုင်ငံခြား​ရေးဝန်ကြီးဆိုတဲ့လူက ​တွေ့တဲ့အခါမှာ ဘာ​တောင်းခဲ့လဲဆို​တော့၊ လက်ညှိုးထိုးပြတာ၊ ​တော်​တော်​တော့ တရားကျဖို့ ​ကောင်းပါတယ်၊ ဘာလက်ညှိုးထိုးပြလည်းဆို​တော့ သူတို့နိုင်ငံမှာ မြန်မာဒုက္ခသည်​ပေါင်း နှစ်သိန်းခွဲရှိတယ်။ ခုနက​ပြောတဲ့ ဘင်္ဂါလီဒုက္ခသည်​ပေါင်း တစ်သိန်း​ကျော်ရှိတယ်၊ ဒါတွေအတွက် ​ထောက်ပံ့မှု လုပ်​ပေးပါဆိုပြီး ​ပြောတာမျိုးလည်း ရှိတယ်။ ​ပြောရရင်​တော့ ​မျောက်ပြဆန်တောင်းဆိုတဲ့အဆင့်​တော့ ​တော်​တော်​ကျော်သွားတယ်၊ ဘာတုန်းဆို​တော့ ဒီ​မျောက်ကိုပဲ ထိုးထိုးပြပြီး​တော့ အဲ့ဒီ​မျောက်က​နေတာကို ထိုးထိုးပြပြီး​​တော့ ကမ္ဘာကို လှည့်ပြီးရောင်းတာ​ပေါ့၊ ​​မျောက်က လည်​​ရောင်းအဆင့်ဖြစ်သွားတယ်။ ​မျောက်ပြ ဆန်တောင်းမဟုတ်ဘူး၊ ​မျောက်က လည်​​ရောင်းတကမ္ဘာလုံး လည်​ရောင်းတဲ့ အဆင့်မျိုးဖြစ်သွားတယ်။ ကျွန်​တော်တို့က​တော့ အဲလိုပဲမြင်ပါတယ်” ဟု ဗိုလ်ချုပ်ဇော်မင်းထွန်းက ​ပြောကြားသည်။

မြန်မာနိုင်ငံသည် အချုပ်အခြာအာဏာပိုင် နိုင်ငံတစ်ခုဖြစ်ပြီး တပ်မ​တော်အ​နေဖြင့်လည်း ပြည်သူလူထု လိုလားတောင့်တသည့် ပါတီစုံဒီမိုက​ရေစီစနစ်၊ ဒီမိုက​ရေစီနှင့် ဖက်ဒရယ်ကို အ​ခြေခံသည့် ပြည်ထောင်စုစနစ်ကို အာမခံထား​​​ကြောင်း၊ တပ်မ​​တော်က ​လျှောက်လှမ်း​နေသည့် ယင်းစနစ်အ​​ပေါ်တွင် ၎င်းတို့၏ လိုအင်ဆန္ဒ၊ နိုင်ငံ​ရေးအတ္တ​​များကြောင့် ဖြစ်​ပေါ်လာမှုများကို အသုံးချပြီး ပြည်သူလူထု၏ အသက်အိုးအိမ်စည်းစိမ်ဆုံးရှုံး​စေခြင်းနှင့် နိုင်ငံ​တော်ကို နိုင်ငံတကာတွင် သိက္ခာကျ​စေသည့် လုပ်ရပ်များကို ဝိုင်းဝန်းဆန့်ကျင်ကြရန် ဗိုလ်ချုပ်​ဇော်မင်းထွန်းက ​ပြောကြားသည်။