နာမည်ကြီးစီးပွားရေးလုပ်ငန်းရှင် ဦးအောင်ကိုဝင်း၏ သမီးဖြစ်သူ က​မ္ဘောဇဘဏ် ဒုတိယအမှု​ဆောင်အရာရှိချုပ် ​ဒေါ်နန်းလိုင်ခမ်းအား ဖမ်းဆီးထိန်းသိမ်း ထားခြင်းမရှိ​ကြောင်း နိုင်ငံတော်စီမံအုပ်ချုပ်ရေးကောင်စီ ​ပြော​ရေးဆိုခွင့်ရှိသူ ဗိုလ်ချုပ်​​ဇော်မင်းထွန်းက ​ပြောကြားသည်။

ကမ္ဘောဇဘဏ်၏ ဒုတိယအမှုဆောင်အရာရှိချုပ် နန်းလိုင်ခမ်းကို မေ ၉ ရက်က ရန်ကုန်လေဆိပ်တွင် ထိန်းသိမ်းခဲ့ဆို​သော သတင်းများနှင့်ပတ်သက်၍ ​မေးမြန်းမှုကို " သတင်းက မဟုတ်ပါဘူး။ မြန်မာပြည်မှာလည်း မရှိပါဘူး။ ထိုင်းကို ​​ရောက်​နေတယ်သူက၊ ဘန်​ကောက်မှာ" ဟု ဗိုလ်ချုပ်​​ဇော်မင်းထွန်းက The Daily Eleven သတင်းစာသို့ ​​ဖြေကြားသည်။

နာမည်ကြီးစီးပွားရေးလုပ်ငန်းရှင် ဦးအောင်ကိုဝင်း၏ သမီး နန်းလိုင်ခမ်းအား ထိုင်းနိုင်ငံ ဘန်ကောက်သို့ သွားရောက်စဉ် မေ ၉ ရက် နံနက်က ရန်ကုန်လေဆိပ်၌ ခေါ်ယူစစ်ဆေး မေးမြန်းမှုများ ရှိသည်ဟု သတင်းများ ထွက်ပေါ်ခဲ့သည်။