ရန်ကုန်တိုင်းဒေသကြီး အတွင်းရှိ စားသုံးသူများကို ဆန်ကြမ်းတစ်ပြည်ကျပ် ၁၀၀၀၊ ပေါ်ဆန်းမွှေးတစ်ပြည် ကျပ် ၁၇၀၀ ၊ ဆီ ၅၀ သားတစ်ဗူးလျှင် ကျပ် ၁၈၅၀၊ ကြက်ဥ ၁၀ လုံးတစ်ကတ်လျှင် ကျပ် ၁၃၀၀ ဖြင့် မြန်မာ နိုင်ငံ ဆန်စပါးကုန်သည်များအသင်း၊ မြန်မာနိုင်ငံ ဆီလုပ်ငန်းရှင်များအသင်းနှင့် ဆန် Exporter ကုမ္ပဏီကြီးများမှ ဆက်လက် ရောင်းချပေးလျက်ရှိကြောင်း သိရသည်။
ဒီဇင်ဘာ ၆ ရက်က ဒဂုံဆိပ်ကမ်း၊ ဒဂုံအရှေ့၊ တောင်ဒဂုံ၊ မြောက်ဒဂုံ၊ ဒေါပုံမြို့နယ် တို့တွင် ဆန်ကြမ်းတစ်ပြည်ကျပ် ၁၀၀၀၊ ပေါ်ဆန်းမွှေးတစ်ပြည် ကျပ် ၁၇၀၀ ၊ ဆီ ၅၀ သား တစ်ဗူးလျှင် ကျပ် ၁၈၅၀၊ ကြက်ဥ ၁၀ လုံး တစ်ကတ်လျှင် ကျပ် ၁၃၀၀ တို့အပြင် ဆိတ်သား၊ အမဲသားနှင့် ဝက်သားတို့ကို ရောင်းချပေးခဲ့ သည်။
ထို့ပြင် ဒီဇင်ဘာ ၄ ရက်၊ ၃ ရက်၊ ၂ ရက်၊ ၁ ရက်နှင့် နိုဝင်ဘာလအတွင်း ကလည်း မြို့နယ်အချို့တွင် ရောင်းချပေးခဲ့ကြောင်း သိရသည်။
အောက်တိုဘာ ၂၃ ရက်က ဒေါပုံ၊ ပုစွန်တောင်၊ မြောက်ဥက္ကလာ၊ ရန်ကင်း၊ ဗိုလ်တထောင်မြို့နယ်တို့တွင် ရောင်းချပေးခဲ့သည်။
အောက်တိုဘာ ၁၂ ရက်က ရွှေပြည်သာ၊ လှိုင်သာယာ(အရှေ့)၊ ရန်ကင်း၊ သင်္ဃန်းကျွန်း၊ သာကေတ၊ မြောက်ဥက္ကလာမြို့နယ်တို့တွင် ရောင်းချခဲ့ကြောင်း သိရသည်။
ဆန်ကြမ်းတစ်ပြည် ကျပ် ၁၀၀၀၊ ပေါ်ဆန်းမွှေးတစ်ပြည် ကျပ် ၁၇၀၀ ၊ ဆီ ၅၀ သား တစ်ဗူးလျှင် ကျပ် ၁၈၅၀၊ ကြက်ဥ ၁၀ လုံးတစ်ကတ်လျှင် ကျပ် ၁၃ဝဝတို့အပြင် ဆိတ်သား၊ အမဲသား၊ ဝက်သားနှင့် ငါးမျိုးစုံတို့ကိုလည်း ရောင်းချပေးခဲ့ကြောင်း သိရသည်။
စက်တင်ဘာ ၆ ရက်က ကျောက်တံတား၊ ပန်းဘဲတန်း၊ လသာ၊ လမ်းမတော်၊ ဒေါ ပုံ၊ ဗိုလ်တထောင်၊ မင်္ဂလာတောင်ညွန့်၊ ရန်ကင်း၊ သာကေတနှင့် သင်္ဃန်းကျွန်းမြို့နယ် တို့တွင်လည်းကောင်း၊ စက်တင်ဘာ ၄ ရက် က ကမာရွတ်၊ ကြည့်မြင်တိုင်၊ စမ်းချောင်း၊ ဗဟန်း၊ မရမ်းကုန်း၊ လှိုင်၊ အလုံ၊ ရွှေပြည်သာ၊ လှိုင်သာယာ၊ အင်းစိန်မြို့နယ်တွင်လည်းကောင်း အသီးသီးရောင်းချပေးခဲ့သည်။
ရန်ကုန်မြို့သို့ ဆန်များ ပုံမှန်ပြန်လည် ဝင်ရောက်စေရေးနှင့် ဆန်စျေး တည်ငြိမ်စေရေးအတွက် ကိုဗစ်-၁၉ ကြောင့် ပိတ်ထားသည့် ဆန်စပါးကုန်စည်ဒိုင် (၀ါးတန်း) ကို သြဂုတ် ၁၆ မှစတင်ကာ ပုံမှန်ပြန်ဖွင့်ပေးနေ ကြောင်း မြန်မာနိုင်ငံဆန်စပါးကုန်သည်များ အသင်း၊ ဆန်စပါးကုန်စည်ဒိုင် (၀ါးတန်း) ကော်မတီက ကြေညာထားသည်။
မြန်မာနိုင်ငံ ဆန်စပါးအသင်းချုပ်နှင့် မြန်မာနိုင်ငံ ဆန်စပါးကုန်သည်များအသင်းတို့၏ လမ်းညွှန်ချက်များအရ ရန်ကုန်မြို့သို့ ဆန်များ ပုံမှန် ပြန်လည်ဝင်ရောက်စေရေး နှင့် ဆန်စျေးနှုန်း တည်ငြိမ်မှန်ကန်စေရေး အတွက် ဆန်စပါးကုန်စည်ဒိုင် (၀ါးတန်း) ကို သြဂုတ် ၁၆ရက်မှစတင်၍ အပတ်စဉ် တနင်္လာမှ သောကြာနေ့အထိ တစ်ပတ်လျှင် ငါးရက် ပုံမှန်ပြန်လည်ဖွင့်လှစ်မည်ဖြစ်သည်။ အပတ်စဉ် စနေနှင့် တနင်္ဂနွေနေ့များနှင့် ယခင် ကုန်စည်ဒိုင်ပိတ်ရက်များအဖြစ် သတ်မှတ်ကြေညာထားသော ကုန်စည်ဒိုင် ပိတ်ရက်များကိုသာ ဆန်စပါးကုန်စည်ဒိုင် (၀ါးတန်း) ၏ ပိတ်ရက်များဖြစ်ကြောင်း အသိပေးချက် ထုတ်ပြန်ထားသည်။
ဆန်စပါးကုန်စည်ဒိုင် (၀ါးတန်း) ပုံမှန် ပြန်လည်ဖွင့်လှစ်မည့် အပတ်စဉ်(တနင်္လာမှ သောကြာ)နေ့များတွင် အသင်းသူ/အသင်း သားများအနေဖြင့် ကိုရိုနာဗိုင်းရပ်စ်ရောဂါပိုးကို ကာကွယ်သောအနေဖြင့် ကျန်းမာရေးဝန် ကြီးဌာနမှချမှတ်ထားသော စည်းကမ်းချက်များကို လိုက်နာကျင့်သုံး၍ ရောင်း/ဝယ်ကြရန် ထုတ်ပြန်ချက်တွင် ဖော်ပြထားသည်။
မြန်မာနိုင်ငံ ဆန်စပါးကုန်သည်များအသင်း၊ဆန်စပါးကုန်စည်ဒိုင်များသည် ရန်ကုန်မြို့နှင့် နိုင်ငံအဝှမ်း စားသုံးသူပြည်သူများ၏ နေ့စဉ်စားသုံးနေသော စာနပ်ရိက္ခာဆန်များ ဖြန့်ဖြူးပေးရာ အဓိကကျသောနေရာများဖြစ်သည့်အပြင် စားနပ်ရိက္ခာအတွက် မရှိမဖြစ် လိုအပ်သောနေရာများ ဖြစ်သည်။
မြန်မာနိုင်ငံအနှံ့အပြားရှိ နေရာဒေသများတွင် COVID-19 ရောဂါပိုး တတိယအကြိမ် ပြန်လည်ဖြစ်ပွားလာသည့်အတွက် ကြိုတင်ကာကွယ်နိုင်ရန် မြန်မာနိုင်ငံ ဆန်စပါးကုန်သည်များအသင်း၊ ဆန်စပါးကုန်စည် ဒိုင်(၀ါးတန်း)ကို ၂၀၂၁ ခုနှစ် ဇူလိုင် ၁၂ ရက် (တနင်္လာနေ့) မှစတင်၍ တစ်ပတ်လျှင် သုံး ရက် (တနင်္လာ၊အင်္ဂါနှင့် ကြာသပတေးနေ့)များကိုသာ ဖွင့်လှစ်ရောင်းချခဲ့ ခြင်းဖြစ်သည်။
