မြန်မာ၊ ဘင်္ဂလားဒေ့ရှ်၊ အိန္ဒိယ၊ နီပေါ၊ ပါကစ္စတန်နှင့် သီရိလင်္ကာ နိုင်ငံများသို့ လွန်ခဲ့သည့် ၁၄ ရက်အတွင်း သွားရောက်ခဲ့သော ခရီးသွားရာဇဝင်ရှိသည့် ခရီးသွားများအနေဖြင့် အောက်တိုဘာ ၂၆ ရက် ဒေသစံတော်ချိန် ည ၁၁ နာရီ ၅၉ မိနစ်မှ စတင်ကာ စင်ကာပူသို့ ဝင်ရောက်ခွင့် (သို့မဟုတ်) ဖြတ်သန်း ခွင့်ပြုမည်ဖြစ်ကြောင်းသိရသည်။
လက်ရှိတွင် အဆိုပါနိုင်ငံများကို အဆင့်-၄ အဖြစ် သတ်မှတ်မည်ဖြစ်ကာ ယင်းနိုင်ငံများမှ ဝင်ရောက်လာသူများ အနေဖြင့် သတ်မှတ်ထားသည့် အဆောက်အအုံများတွင် Stay Home Notice (SHN) ကာလအဖြစ် ၁၀ ရက်ကြာ နေထိုင်ရမည်ဖြစ်ပြီး တစ်ဦးလျှင် စင်ကာပူဒေါ်လာ ၁၄၅၀ ကျသင့်မည်ဖြစ် ကြောင်း သိရသည်။
“အဲဒီနိုင်ငံတွေမှာ COVID-19 ရောဂါ အခြေအနေဟာ အချိန်အတိုင်းအတာ တစ်ခုအထိ တည်ငြိမ်နေပြီဖြစ်လို့ တင်းကျပ်တဲ့ Not to Land စည်းမျဉ်းကို ထားရှိဖို့ မလိုအပ်တော့ပါဘူး” ဟု စင်ကာပူ ကျန်းမာရေးဝန်ကြီး Ong Ye Kung က အောက်တိုဘာ ၂၃ ရက်တွင် ပြုလုပ်သည့် ဝန်ကြီးဌာနပေါင်းစုံ ပါဝင်သော COVID-19 ရောဂါတုံ့ပြန်ရေးအထူးလုပ်ငန်း အဖွဲ့ သတင်းစာရှင်းလင်းပွဲတွင် ပြောကြားခဲ့ သည်။
ထို့အပြင် နိုင်ငံအလိုက်အုပ်စုခွဲခြား သတ်မှတ်ခြင်းနှင့်ခရီးသွားများအတွက်အ ခြားသောလုပ်ထုံးလုပ်နည်းဆိုင်ရာ အပြောင်း အလဲများကိုလည်း ၎င်းကကြေညာခဲ့ပြီး အ ဆိုပါ စည်းမျဉ်းပြောင်းလဲမှုအားလုံးသည် အောက်တိုဘာ ၂၆ ရက် ဒေသစံတော်ချိန် ည ၁၁ နာရီ ၅၉ မိနစ်တွင် စတင်အသက်ဝင်လာ မည်ဟု သိရသည်။
အဆင့်-၄ မှ အဆင့်-၃ သို့ တိုးမြှင့်လိုက်သည့် နိုင်ငံများထဲတွင် စင်ကာပူနိုင်ငံ၏ အနီး ကပ်ဆုံး အိမ်နီးချင်း နိုင်ငံများဖြစ်သည့် မလေး ရှားနှင့် အင်ဒိုနီးရှားတို့လည်း ပါဝင်ကာ ကမ္ဘောဒီးယား၊ အီဂျစ်၊ ဟန်ဂေရီ၊ အစ္စရေး၊ မွန်ဂိုလီးယား၊ ကာတာ၊ ရဝမ်ဒါ၊ ဆာမိုအာ၊ တောင်အာဖရိက၊ တွန်ဂါ၊ ယူအေအီးနှင့် ဗီ ယက်နမ်နိုင်ငံတို့လည်း ပါဝင်သည်ဟု သိရ သည်။
အဆင့်-၁ နိုင်ငံများ သို့မဟုတ် အဆင့်-၂ Vaccinated Travel Lanes နိုင်ငံများမှ ခရီး သွားများအနေဖြင့် ဆိုက်ရောက်ချိန်တွင် PCR စစ်ဆေးမှု ခံယူရမည်ဖြစ်ကာ အဆင့်-၂ Non VTL အဆင့်-၃နှင့် အဆင့်-၄ နိုင်ငံများ အနေဖြင့် ဆိုက်ရောက်ချိန်တွင် PCR စစ် ဆေးမှုခံယူရန် လိုအပ်တော့မည်မဟုတ်ဘဲ Stay Home Notice ကာလ အပြီးမှသာ စစ်ဆေးမှုခံယူရမည်ဖြစ်သည်။
ထို့ပြင် အဆင့်-၃ နိုင်ငံများ သို့မဟုတ် နယ်မြေဒေသများမှ လာရောက်သည့် ခရီး သွားအားလုံးသည်ကာကွယ်ဆေး ထိုးနှံထားသည့် အခြေအနေနှင့် ခရီးသွား ရာဇဝင်တို့နှင့် မသက်ဆိုင်ဘဲ သတ်မှတ်ထားသည့် နေရာများတွင် ၁၀ ရက်ကြာ Stay Home Notice ကာလအဖြစ် နေထိုင်ရမည် ဖြစ်သည်ဟု သိရ သည်။ ။
Ref: Business Times