မန္တ​လေးတိုင်း​ဒေသကြီး အမရပူရမြို့နယ်တွင် ISUZU ဆီ​ဘောက်ဆာယာဉ်အား စစ်​ဆေးရာ၌ တာ​ဝေးခွင်းဗုံး ၈၉ လုံး၊ ရိုက်ဖယ်အလက် ၂၀၀ အပါအဝင် လက်နက်ခဲယမ်းများ သိမ်းဆည်းရမိခဲ့​ကြောင်း နိုင်ငံတော်စီမံ အုပ်ချုပ်​​ရေး​ကောင်စီ သတင်းထုတ်ပြန်​​ရေးအဖွဲ့က ထုတ်ပြန်ထားသည်။

ဖြစ်စဉ်မှာ ​အောက်တိုဘာ ၅ ရက် နံနက်ပိုင်းက ရန်ကုန်တိုင်း​ဒေသကြီး၊ ​ထောက်ကြန့်မြို့နယ်တွင် ​နေထိုင်သည့် ​နေလင်းထွန်း ၄၂ နှစ် (ဘ) ဦးထွန်းနိုင် ​မောင်းနှင်လာသည့် ISUZU ဆီ​ဘောက်ဆာ(အဖြူ​ရောင်) ယာဉ်အား အမရပူရမြို့နယ်၊ ကမ်းနားလမ်း၊ ​ရွှေကြက်ယက်ဘုရားအနီးသို့ ​မောင်းနှင်​ရောက်ရှိစဉ် လုံခြုံ​ရေးတပ်ဖွဲ့ဝင်များမှ သတင်းအရ ယာဉ်အားရပ်တန့်စစ်​ဆေးခဲ့ရာ ဆီဘောက်ဆာယာဉ်၏ ဆီအကန့်ငါးကန့် ရှိသည့်အနက် ​နောက်ဆုံးဆီအကန့်တွင် အံဝှက်ပြုလုပ်သယ်​ဆောင်လာသည့် လက်နက်/ခဲယမ်းနှင့် ဆပ်စပ်ပစ္စည်းများအား သိမ်းဆည်းရမိခဲ့​ကြောင်း သတင်းထုတ်ပြန်ထားသည်။

သိမ်းဆည်းရမိခဲ့သည့် လက်နက်များတွင် 7.62 MM Assault Rifle Type 81 (KIA ထုတ်) ၂၀၀ လက်၊ 7.62 MM life Machine Gun Type 81 (KIA ထုတ်) ၂၀ လက်၊ ၎င်းကျည်အိမ် ၅၄ ခု၊ 7.62 x 39 ကျည် ၃၂၆၄၀ ​တောင့်၊ 100 MM HE တာ​ဝေးခွင်းဗုံး ၈၉ လုံး၊ အစပျိုးစနက်အုံ ၈၉ ခုတို့ ပါဝင်ပြီး ဖမ်းဆီးရမိ တရားခံများအား စစ်​ဆေးမေးမြန်းလျက်ရှိ​ကြောင်း သတင်းထုတ်ပြန်ထားသည်။