အင်တာမီလန်နဲ့ မှိန်ဖျော့သွားသော ချန်ပီယံကာကွယ်ရေး အိပ်မက်
Photos: Getty Images, Sky Sports & Inter's Twitter
အင်တာမီလန်ဟာ မော်ရင်ဟိုယူပေးခဲ့တဲ့ တစ်ရာသီဆုဖလား (၃)လုံးဆိုတဲ့ အမြင့်ဆုံးစံချိန် တင်အောင်ပွဲရခဲ့တဲ့ ၂၀၀၉-၁၀ ရာသီနောက်ပိုင်း ချန်ပီယံဆုပြန်ရဖို့ (၁၀)နှစ် စောင့်ခဲ့ရတယ်။ ပြီးခဲ့တဲ့ရာသီမှာတော့ နည်းပြ ကွန်တီနဲ့အတူ စီးရီးအေ ချန်ပီယံဆုကို ပြန်လည်ရယူနိုင်ခဲ့တယ်။ ဒုတိယနေရာက အေစီမီလန်ကို (၁၂)မှတ်အထိဖြတ်ပြီး ချန်ပီယံဖြစ်ခဲ့တာကြောင့် အင်တာရဲ့အောင်ပွဲက ပရိသတ်တွေအတွက် ကျေနပ်စရာကောင်းခဲ့ကြတယ်။ အင်တာရဲ့ရှေ့ခရီးအတွက်လည်း မျှော်လင့်ချက်တွေ မြင့်တက်ခဲ့ကြတယ်။ ဒါပေမဲ့ ဒီလို အခြေအနေတွေက သိပ်ကြာကြာ မခံစားလိုက်ကြရဘူး။
