၂၀၂၁-၂၂ ရာသီ ပရီးမီးယားလိဂ်က စတင်ကစားနေပြီဖြစ်ပြီး အခုဆိုရင် ပွဲစဉ် (၁) ပြီး ဆုံးသွားခဲ့ပါပြီ။ ရာသီသစ်ဟာ ပြီးခဲ့တဲ့ရာသီကနဲ့ နှိုင်းယှဉ်ရင် အပြောင်းအလဲတွေ၊ မြင်ကွင်းသစ်တွေလည်း ရှိနေပါတယ်။ တချို့အပြောင်းအလဲတွေကို ပရီးမီးယားလိဂ်အဖွဲ့ချုပ်က သူတို့ ကိုယ်တိုင် ဆုံးဖြတ်ပြီး၊ တချို့အပြောင်းအလဲတွေကိုတော့ အသင်းတွေ၊ နည်းပြတွေ၊ ကစားသမားတွေနဲ့ တိုင်ပင်ပြီးမှ အတည်ပြုခဲ့ပါတယ်။ ဒီအပြောင်းအလဲတွေထဲမှာ VAR ရဲ့စည်းမျဉ်းအပြောင်းအလဲတချို့လည်း ပါဝင်ပြီး အထူးသဖြင့်ကတော့ လူကျွံဘောစည်းမျဉ်း အပြောင်းအလဲဖြစ်ပါတယ်။