ရှုံးပွဲမရှိ ပွဲတိုင်းအနိုင်ရသည့်မှတ်တမ်းဖြင့် အနားယူထားသော UFC လိုက်ဝိတ်တန်း ချန်ပီယံဟောင်း ရုရှား MMA ကစားသမား ခါဘိနာမာဂိုမီဒေါ့ဗ်သည် ရုရှားတတိယတန်း ဘောလုံးအသင်းနှင့် ပရော်ဖက်ရှင်နယ်စာချုပ် ချုပ်ဆိုခဲ့ကြောင်း သိရသည်။
အသက် ၃၂ နှစ်ရှိပြီဖြစ်သည့် ခါဘိသည် ပြီးခဲ့သည့်နှစ် အောက်တိုဘာတွင် အမေရိကန်ကစားသမား ဂျပ်စတင်ဂေးချီနှင့် ထိုးသတ်ပြီးနောက် MMA ကစားသမားဘဝမှ အနားယူခဲ့ခြင်းဖြစ်သည်။
ခါဘိသည် အနားယူပြီးနောက်ပိုင်း ဘောလုံးကစားရန် လေ့ကျင့်မှုများပြုလုပ်ခဲ့ပြီး သောကြာနေ့တွင် ရုရှားတတိယတန်းကလပ် လီဂျီယွန်ဒိုင်နမို အသင်းနှင့် ပရော်ဖက်ရှင်နယ်စာချုပ် ချုပ်ဆိုခဲ့သည်။
ဒိုင်နမိုအသင်းဥက္ကဋ္ဌဖြစ်သူကလည်း ခါဘိမှာ ထက်မြက်သည့် တိုက်စစ်မှူးတစ်ဦး ဖြစ်ကြောင်း ချီးကျူးပြောကြားထားသည်။
