ခွဲစိတ်ကု ဆရာဝန်ကြီး ဒေါက်တာ နာဂ သိန်းလှိုင် ယနေ့ ( သြဂုတ် ၁၀ ရက်) တွင် ကွယ်လွန်သွားကြောင်း ဆရာကြီး၏ သားဖြစ်သူက လူမှုကွန်ရက် စာမျက်နှာတွင် ရေးသားထားသည်။
" ကျွန်နော့်၏ဖခင်ကြီးဒေါက်တာနာဂ သိန်းလှိုင်ယနေ့မနက်ကိုးနာရီဆယ်မိနစ်တွင်ဆုံးသွားပါပြီ" ဟု ရေးသားထားသည်။
၁၉၃၃ ခုနှစ်ဖွား ဆရာကြီးနာဂသိန်းလှိုင်မှာ ကွယ်လွန်ချိန်တွင် အသက် ၈၈ နှစ်ရှိပြီဖြစ်သည်။
ဆရာကြီး နာဂသိန်းလှိုင်မှာ နယ်စွန်နယ်ဖျားဒေသတွင် လူနာများကို ကုသမှုပေးခဲ့သူဖြစ်ပြီး ရွှေဓားဗိုလ်ဟုလည်း လူသိများသည်။
ခွဲစိတ်ကုသရန် လိုအပ်သည့် လူနာများကို ဓားတစ်ချောင်းတည်းဖြင့် ခွဲစိတ်ပေးခဲ့သူဖြစ်ပြီး လူနာအသက်ပေါင်းများစွာကို ကယ်တင်ခဲ့သူဖြစ်သည်။