၂၀၂၁ ခုနှစ် မေလအထိ နေပြည်တော် အပါအဝင် ပြည်နယ်နှင့် တိုင်းဒေသကြီးများတွင် ယာဉ်မောင်းလိုင်စင် အမျိုးအစားအလိုက် ယာဉ်မောင်းလိုင်စင် စုစုပေါင်း ၅၅၅၈၆၉၅ စောင်နှင့် “စ” လိုင်စင် စုစုပေါင်း ၁၉၀၀၉၃ စောင်ရှိကြောင်း ကုန်းလမ်းပို့ဆောင်ရေး ညွှန်ကြားမှုဦးစီးဌာနက ထုတ်ပြန်သော စာရင်းဇယားများအရ သိရသည်။
ယာဉ်မောင်းလိုင်စင် အမျိုးအစားများတွင် “က-၁” လိုင်စင်၊ “က” လိုင်စင်၊ “ခ” လိုင် စင်၊ “ဂ” လိုင်စင်၊ “ဃ” လိုင်စင်၊ “င” လိုင်စင်၊ “ဌ” လိုင်စင်၊ “ဟ” လိုင်စင်နှင့် “စ” လိုင်စင်တို့ ပါဝင်ပြီး နေပြည်တော် အပါအဝင် ပြည်နယ် နှင့် တိုင်းဒေသကြီးများတွင် “က-၁” လိုင်စင် မှ “ဟ” လိုင်စင်အထိ စုစုပေါင်းစောင်ရေ ၅၅၅၈၆၉၅ စောင်နှင့် “စ” လိုင်စင် စုစုပေါင်း ၁၉၀၀၉၃ စောင်ဖြစ်ကြောင်း သိရသည်။
စာရင်းဇယားများအရ နေပြည်တော်တွင် “က-၁” လိုင်စင်မှ “ဟ” လိုင်စင်အထိ စုစုပေါင်း စောင်ရေ ၂၁၅၇၁၀ စောင်နှင့် “စ” လိုင်စင် ၄၄၈၃ စောင်၊ ထိုနည်းတူ ကချင်ပြည်နယ်တွင် “က-၁” လိုင်စင်မှ “ဟ” လိုင်စင်အထိ စုစုပေါင်းစောင်ရေ ၁၃၂၄၈၇ စောင်နှင့် “စ” လိုင်စင် ၁၀၁၄ စောင်၊ ကယားပြည်နယ်၌ “က-၁” လိုင်စင်မှ “ဟ” လိုင်စင်အထိ စုစုပေါင်းစောင်ရေ ၇၁၉၆၅ စောင်နှင့် “စ” လိုင်စင် ၁၈၉၀ စောင်၊ ကရင်ပြည်နယ်တွင် “က-၁” လိုင်စင်မှ “ဟ” လိုင်စင်အထိ စုစုပေါင်း ၁၂၀၈၆၆ စောင် နှင့် “စ” လိုင်စင် ၂၆၃၂ စောင်၊ ချင်းပြည်နယ်တွင် “က-၁” လိုင်စင်မှ “ဟ” လိုင်စင်အထိ စုစုပေါင်း စောင်ရေ ၃၉၄၇၉ စောင်နှင့် “စ” လိုင်စင် ၂၉၉ စောင်၊ စစ်ကိုင်းတိုင်းဒေသကြီးတွင် “က-၁” လိုင်စင်မှ “ဟ” လိုင်စင်အထိ စုစုပေါင်းစောင်ရေ ၄၉၉၄၃၀ စောင်နှင့် “စ” လိုင်စင် ၁၄၀၅၇ စောင် ၊ တနင်္သာရီတိုင်းဒေသကြီးတွင် “က-၁” လိုင်စင်မှ “ဟ” လိုင်စင်အထိ စုစုပေါင်း စောင်ရေ ၁၇၂၆၈၂ စောင်နှင့် “စ” လိုင်စင် ၁၄၂၉ စောင်ရှိကြောင်း သိရသည်။
ထို့ပြင် ပဲခူးတိုင်းဒေသကြီးတွင် “က-၁” လိုင်စင်မှ “ဟ” လိုင်စင်အထိ စုစုပေါင်းစောင်ရေ ၅၀၇၇၁၈ စောင်နှင့် “စ” လိုင်စင် ၂၂၄၁၀ စောင်၊ မကွေးတိုင်းဒေသကြီးတွင် “က-၁” လိုင်စင်မှ “ဟ” လိုင်စင်အထိ စုစုပေါင်း စောင်ရေ ၄၀၄၀၆၇ စောင်နှင့် “စ” လိုင်စင် ၁၉၈၁၃ စောင်၊ မန္တလေးတိုင်းဒေသကြီးတွင် “က-၁” လိုင်စင်မှ “ဟ” လိုင်စင်အထိ စုစုပေါင်းစောင်ရေ ၁၂၆၃၉၅၃ စောင်နှင့် “စ” လိုင်စင် ၃၈၅၁၉ စောင်၊ မွန်ပြည်နယ်၌ “က-၁” လိုင်စင်မှ “ဟ” လိုင်စင်အထိ စုစုပေါင်းစောင်ရေ ၂၅၅၇၆၃ စောင်နှင့် “စ” လိုင်စင် ၅၅၄၃ စောင်၊ ရခိုင်ပြည်နယ်တွင် “က-၁” လိုင်စင်မှ “ဟ” လိုင်စင်အထိ စုစုပေါင်းစောင်ရေ ၅၁၇၂၆ စောင်နှင့် “စ” လိုင်စင် ၂၃၅၂ စောင်၊ ရန်ကုန်တိုင်းဒေသကြီးတွင် “က-၁” လိုင်စင်မှ “ဟ” လိုင်စင်အထိ စုစုပေါင်း စောင်ရေ ၉၁၀၄၉၁ စောင်နှင့် “စ” လိုင်စင် ၅၂၈၂၁ စောင်၊ ရှမ်း (တောင်)တွင် “က-၁” လိုင်စင်မှ “ဟ” လိုင်စင်အထိ စုစုပေါင်း စောင်ရေ ၁၉၆၅၃၁ စောင်နှင့် “စ” လိုင်စင် ၆၉၄၇ စောင်၊ ရှမ်း (အရှေ့) တွင် “က-၁” လိုင်စင်မှ “ဟ” လိုင်စင်အထိ စုစုပေါင်းစောင်ရေ ၁၀၉၀၈၀ နှင့် “စ” လိုင်စင် ၂၁၀ စောင်၊ ရှမ်း (မြောက်) တွင် “က-၁” လိုင်စင်မှ “ဟ” လိုင်စင်အထိ စုစုပေါင်းစောင်ရေ ၁၄၄၀၃၅ စောင်နှင့် “စ” လိုင်စင် ၅၀၉၃ စောင်၊ ဧရာဝတီတိုင်းဒေသကြီးတွင် “က-၁” လိုင်စင်မှ “ဟ” လိုင်စင်အထိ စုစုပေါင်းစောင်ရေ ၄၆၂၇၁၂ စောင်နှင့် “စ” လိုင်စင် ၁၀၅၈၁ စောင်ရှိကြောင်း သိရသည်။
“က-၁” ယာဉ်မောင်းလိုင်စင်သည် မော်တော်ဆိုင်ကယ် (၁၁၀ စီစီနှင့် အောက်) မောင်းနှင်ခွင့်ရှိသော ယာဉ်မောင်းလိုင်စင် အမျိုးအစားဖြစ်ပြီး “က” ယာဉ်မောင်းလိုင်စင်သည် မော်တော်ဆိုင်ကယ်အားလုံး၊ “ခ” ယာဉ်မောင်းလိုင်စင်သည် သုံးတန်အထိ တင်ဆောင်နိုင်သော ကိုယ်ပိုင်မော်တော်ယာဉ် နှင့် ကိုယ်ပိုင် ဘတ်စ်ကားငယ်များ ၊ “ဂ” ယာဉ်မောင်းလိုင်စင်သည် သင်တန်းတက်ရောက် အောင်မြင်သည့် စက်ယန္တရားကြီး တစ်မျိုး၊ “ဃ” ယာဉ်မောင်းလိုင်စင်သည် အငှားကုန်တင်ယာဉ်နှင့် အငှားဘတ်စ်ကားယာဉ်များမှလွဲ၍ ကျန်မှတ်ပုံတင်ယာဉ်များ၊ “င” ယာဉ်မောင်းလိုင်စင်သည် မှတ်ပုံတင်ထားသော မည်သည့် မော်တော်ယာဉ်ကိုမဆို၊ “ဌ” ယာဉ်မောင်းလိုင်စင်သည် ထရော်လာဂျီ၊ ထရက်တာယာဉ်များ ၊ “ဟ” ယာဉ်မောင်းလိုင်စင်သည် သုံးဘီးမော်တော်ဆိုင်ကယ်နှင့် မော်တော်ဆိုင်ကယ် စသည်ဖြင့် မောင်းနှင်ခွင့်ရှိသော လိုင်စင်အမျိုးအစားများ ဖြစ်ကြောင်း သိရပြီး “စ” လိုင်စင်မှာ ယာဉ်အကူလက်မှတ် လိုင်စင် ဖြစ်ကြောင်း ကညနမှ သိရသည်။
