ဘာစီလိုနာအသင်းသည် ယခုနွေရာသီတွင် အသင်းမှ ကစားသမား (၁၈)ဦးအတွက် ကမ်းလှမ်းမှုများကို လက်ခံစဉ်းစားသွားမည်ဖြစ်ပြီး ယင်းကစားသမားများထဲတွင် ဂရီးဇ်မန်း၊ ကော်တင်ဟို၊ ဘူးစကွက်စ်တို့လည်း ပါဝင်နေကြောင်း သိရ သည်။
ဘာစီလိုနာအသင်းသည် ကိုရိုနာဗိုင်းရပ်စ်ကပ်ဘေးကာလအတွင်း ဘဏ္ဍာရေးအကျပ်အတည်းနှင့် ရင်ဆိုင်နေရသည့်အတွက် ကစားသမား အများအပြားကို ရောင်းထုတ်၍ ငွေရှာရန် စီစဉ်နေသလို၊ လစာငွေအသုံးစရိတ် လျှော့ချနိုင်ရန်လည်း လိုလားနေသည်။
ထို့ကြောင့် အမာခံကစားသမားများကိုပင် ရောင်းထုတ်ရန် စီစဉ်နေခြင်းဖြစ်ပြီး အသင်းခေါင်းဆောင်မက်ဆီနှင့်အတူ ရေရှည်အနာဂတ်အတွက် ရည်ရွယ်ထားသည့် ကစားသမားများကိုသာ ချန်ထားရန် စီစဉ်နေကြောင်းလည်း သိရသည်။
ဘာစီလိုနာအသင်း ရောင်း ထုတ်လိုသည့် ကစားသမားများထဲတွင် အမ်တီတီ၊ ယာနစ်၊ ဖီပို၊ ဘရေ့ဝိတ်၊ နေတိုတို့လည်း ပါဝင်နေပြီး အသင်း၏ ဥက္ကဋ္ဌသစ် လာပေါ်တာကလည်း ဘဏ္ဍာရေးပြဿနာမှာ အရေး တကြီးဖြေရှင်းရမည့် အခြေအနေသို့ ရောက်ရှိနေကြောင်း ဝန်ခံထားသည်။
လာပေါ်တာသည် ယခုနွေရာသီတွင် ဘာစီလိုနာအသင်းကို ပြုပြင်ပြောင်းလဲမှုများစွာ ပြုလုပ်သွားရန် ရည်ရွယ်ထားသော်လည်း နည်းပြ ရော်နယ်လ် ကိုးမန်းကိုသာ ဆက်လက်တာဝန် ပေးခဲ့သလို၊ ပြောင်းရွှေ့ကြေးအလွတ် ဖြင့်ရရှိမည့်ကစားသမားများကိုသာ ဦးစားပေးခေါ်ယူရန် ကြိုးပမ်းနေကြောင်းလည်း တွေ့ရှိရသည်။