တိုရီနိုအသင်းသို့ ရောက်ရှိလာသည့် ကစားသမားသစ် ဆာနာဘရီယာသည် ကိုရိုနာဗို်င်းရပ်စ်ကူးစက်ခံထားရကြောင်း သိရသည်။
အသက် (၂၄)နှစ်အရွယ် ပါရာဂွေးတိုက်စစ်မှူး ဆာနာဘရီယာသည် တိုရီနိုအသင်းနှင့် (၄)နှစ်စာချုပ်ချုပ်ပြီး ဆေးစစ်ဆေးမှုပြုလုပ်ချိန်တွင် ကိုရိုနာဗိုင်းရပ်စ်ပိုး တွေ့ရှိခဲ့ခြင်းဖြစ်သည်။
ဆာနာဘရီယာသည် စီးရီးအေပြိုင်ပွဲအတွေ့အကြုံရှိသူဖြစ်ပြီး ဂျီနိုအာအသင်းတွင် (၁၇)ပွဲကစားခဲ့ကာ (၆)ဂိုးသွင်းယူနိုင်ခဲ့ကြောင်း သိရသည်။
တိုရီနိုအသင်းနည်းပြ နီကိုလာသည် တိုက်စစ်ပိုင်းကိုအားဖြည့်ရန် ပြီးခဲ့သည့်ဇန်နဝါရီအပြောင်းအရွှေ့ကာလတစ်ခုလုံးကြိုးပမ်းခဲ့ပြီး ဆာနာဘရီယာကို ဘက်တစ်အသင်းမှ ခေါ်ယူနိုင်ခဲ့ခြင်းလည်းဖြစ်သည်။
တိုရီနိုအသင်း၏ ကြေညာချက်တွင် ''ဆေးစစ်ဆေးမှုပြုလုပ်ပြီးနောက် ဆာနာဘရီယာသည် ကိုရိုနာဗိုင်းရပ်စ်ကူး စက်ခံထားရကြောင်း တွေ့ရှိရသဖြင့် ကျန်းမာရေးလမ်းညွှန်ချက်များအတိုင်း သီးခြားနေထိုင်သွားရမည်ဖြစ်ကြောင်း'' ဖော်ပြပါရှိသည်။
