လက်ရှိစီးရီးအေရာသီ အမှတ်ပေးဇယားထိပ်ဆုံးနေရာကိုကြည့်လိုက်ရင် အေစီမီလန်ကို တွေ့ရမှာဖြစ်တယ်။ ဒါဟာ အေစီမီလန်ချစ်သူတွေအတွက်တော့ ကောင်းသောပြောင်းလဲခြင်းများရဲ့ နိဒါန်းတစ်ခုလေလားလို့ စပြီးမျှော်လင့်လာကြတယ်။ (၁၀)နှစ်တာ ဝေးကွာနေခဲ့ရတဲ့ စီးရီးအေချန်ပီယံဆုအတွက် အေစီမီလန် မှန်ကန်တဲ့လမ်းကြောင်းပေါ် ရောက်လာနေပြီလို့လည်း ယုံကြည်လာခဲ့ကြတယ်။ အေစီမီလန်ရဲ့ အရှိန်အဝါတွေပြန်လင်းလက်လာနိုင်ဖို့ လမ်းကြောင်းတစ်ခုပေါ် ပြန်ရောက်လာခဲ့ပြီလို့တောင် ထင်မြင်မှုတွေလည်း ပြန်မြင့်တက်လာကုန်ကြတယ်။