အမေရိကန်အသင်းသည် တောင်ပံကစားသမား ပူလီဆစ်အနေဖြင့် အချိန်မီ ကြံ့ခိုင်မှုပြန်လည်ရရှိလာခြင်း မရှိသဖြင့် ချယ်လ်ဆီးအသင်းထံ ပြန်ပို့လိုက်ကြောင်း အတည်ပြုခဲ့သည်။ 

အသက်(၂၂)နှစ်အရွယ် ပူလီဆစ်သည် တံကောက်ကြောဒဏ်ရာကြောင့် ဘန်လေ၊ ရန်းစ်၊ ရှက်ဖီးတို့နှင့်ပွဲကို လွဲချော်ခဲ့သည်။

ဒဏ်ရာမှ အပြည့်အ၀ မသက်သာသေးသော ပူလီဆစ်အား အမေရိကန်လက်ရွေးစင်အသင်းက ဝေးလ်စ်၊ ပနားမားတို့နှင့် ကစားမည့် နိုင်ငံတကာပွဲစဉ်လူစာရင်းတွင် ရွေးချယ်ခဲ့သည်။

အမေရိကန်အသင်းအနေဖြင့် ဖေဖော်ဝါရီလနောက်ပိုင်း နိုင်ငံတကာပွဲစဉ် တစ်ပွဲမှ မကစားရသေးသဖြင့် ၎င်းတို့၏ အဓိကကစားသမား ဖြစ်သော ပူလီဆစ်ကို လက်ရွေးစင်အသင်းသို့ ဆင့်ခေါ်ခဲ့ခြင်းဖြစ်ကြောင်း သိရသည်။

သို့သော် ပူလီဆစ်သည် အချိန်မီကြံ့ခိုင်မှုရရှိလာခြင်း မရှိသဖြင့် အမေရိကန်အသင်းသည် ပူလီဆစ်အား ချယ်လ်ဆီးအသင်းထံ ပြန်ပို့ပေးရန် ဆုံးဖြတ်ခဲ့ခြင်းဖြစ်သည်။