ဘာစီလိုနာအသင်းမှ အက်သလက်တီကိုအသင်းသို့ ပြောင်းရွှေ့ခဲ့သည့် ဥရုဂွေးတိုက်စစ်မှူး ဆွာရက်ဇ် (၃၃ နှစ်)က မိမိအနေဖြင့် အသင်းသစ်တွင် သမိုင်းမှတ်တမ်းတစ်ခု ရေးထိုးနိုင်ရန်အလိုရှိကြောင်း အက်သလက်တီကိုအသင်းနှင့် ပြုလုပ်ခဲ့သည့် အင်တာဗျူးအစီအစဉ်တွင် ဖြေကြားခဲ့သည်။

ဆွာရက်ဇ်က "ကျွန်တော် တွေးထားတာက အသင်းသစ်မှာ သမိုင်းမှတ်တမ်းတစ်ခု ရေးထိုးဖို့ပါပဲ။ အသင်းအတွက် ကျွန်တော် အကောင်းဆုံးအရာတွေ ယူဆောင်လာချင်ပါတယ်။ သွင်းဂိုးတွေ၊ ဖန်တီးမှုတွေပေါ့။ ဒီအသင်းမှာ ဆုဖလားတွေ ရယူလိုပါတယ်" ဟု ပြောကြားခဲ့သည်။

ဆွာရက်ဇ်သည် အက်သလက်တီကိုအသင်းအတွက် ပထမဆုံးကစားသည့် ဂရန်နာဒါနှင့်ပွဲတွင် (၂)ဂိုး သွင်းယူနိုင်ခဲ့သူဖြစ်သည်။