ယခုရာသီ စီးရီးအေပြိုင်ပွဲ မပြီးဆုံးမီ ပရိသတ်များ ကြည့်ရှုခွင့်ရရန် အီတလီဘောလုံးအဖွဲ့ချုပ် ဥက္ကဋ္ဌ မျှော်လင့်
Photos: Getty Images
စီးရီးအေပြိုင်ပွဲကို ပြန်လည်ကျင်းပရန် ခွင့်ပြုချက်ရရှိထားပြီးဖြစ်သော်လည်း ဗိုင်းရပ်စ်အန္တရာယ်ကြောင့် ကွင်းပိတ်ကစားသွားရမည်ဖြစ်သည်။
အီတလီဘောလုံးအဖွဲ့ချုပ် (FIGC) ဥက္ကဋ္ဌ ဂရာဗီနာသည် ယခုရာသီ စီးရီးအေပြိုင်ပွဲ မပြီးဆုံးမီ ကွင်းအတွင်းသို့ ပရိသတ်များ ဝင်ရောက်ကြည့်ရှုခွင့်ရ ရန် မျှော်လင့်နေကြောင်း သိရသည်။
စီးရီးအေပြိုင်ပွဲကို ပြန်လည်ကျင်းပရန် ခွင့်ပြုချက်ရရှိထားပြီးဖြစ်သော်လည်း ဗိုင်းရပ်စ်အန္တရာယ်ကြောင့် ကွင်းပိတ်ကစားသွားရမည်ဖြစ်သည်။
သို့သော် ဂရာဗီနာက "ကွင်းထဲက ထိုင်ခုံတွေရှိသလောက်တော့ ပရိသတ်တွေ ဝင်ကြည့်လို့ မရနိုင်ပါဘူး။ ဒါပေမဲ့ ရာသီမပြီးဆုံးခင်မှာ စည်းမျဉ်းတွေနဲ့အညီ ပရိသတ်အရေအတွက် အကန့်အသတ်နဲ့ ကြည့်ရှုခွင့်ရလာဖို့တော့ ကျွန်တော် မျှော်လင့်နေပါတယ်" ဟု ပြောကြားခဲ့သည်။
