COVID-19 ရောဂါ ကာကွယ်တားဆီး ရေးလုပ်ငန်းများ အထောက်အကူဖြစ်စေရန် အတွက် မန္တလေးမြို့ပေါ်ရှိ လူဦးရေထူထပ် သည့်နေရာများနှင့် ဘုန်းတော်ကြီးကျောင်း များတွင် တပ်မတော်နှင့် ခရိုင်မီးသတ်တပ်ဖွဲ့ ပူးပေါင်း၍ ပိုးသတ်ဆေးဖျန်းခြင်းလုပ်ငန်း များကို လေးရက်တစ်ကြိမ် လိုက်လံပြုလုပ် လျက်ရှိကြောင်း သတင်းရရှိသည်။

ယင်းသို့ ပိုးသတ်ဆေးဖျန်းဆောင်ရွက်ခြင်းကို တပ်မတော်သားများနှင့် မန္တလေးခရိုင် မီးသတ်တပ်ဖွဲ့ ပူးပေါင်း၍ မြို့ပေါ်ရှိ ဘုန်းတော်ကြီးကျောင်းများနှင့် သီလရှင်စာသင်​တိုက်​များအပြင် လူဦးရေထူထပ်သည့် ပိုးသတ်ဆေးဖျန်းလိုသောနေရာများကို လိုက်လံပြုလုပ်ပေးလျက်ရှိပြီး လက်ရှိအချိန် တွင် ပိုးသတ်ဆေးဖျန်းခြင်းကို အောင်မြေသာစံမြို့နယ် မန္တလေးတောင်ခြေအနီးရှိ ဘုန်းတော်ကြီးကျောင်း၊ သီလရှင်စာသင် တိုက်ငါးကျောင်းနှင်​့ မဟာအောင်​မြေမြို့နယ်​ မြင်းဝန်မင်​းကြီး​ကျောင်​းတိုက်နှင်​့ ပုသိမ်​ကြီးမြို့နယ်​ ရန်​ကင်​း​တောင်​ရှိ ဘာသာ ရေး အ​ဆောက်​အအုံများ ၊ ပုသိမ်ကြီးမြို့နယ် ရှိ ရန်ကင်းတောင်၊ ချမ်းမြသာစည်မြို့နယ် အတွင်းရှိ မြို့ဟောင်းဘူတာတို့တွင် ဧပြီ ၂၁ ရက်က ပြုလုပ်ခဲ့ပြီး ဧပြီ ၂၅ ရက်တွင် မဟာ အောင်မြေမြို့နယ်ရှိ ဗန်းမော်ကျောင်းတိုက် နှင့် ဗောဓိမဏ္ဍိုင်သီလရှင်စာသင်တိုက်တိုက် တို့တွင် ဆက်လက်ပြုလုပ်ခဲ့သည်။

အမှတ်​ (၁၁၁) ဆက်​သွယ်​​ရေးတပ်​မှ တပ်​ရင်​းမှူး ဒုတိယဗိုလ်​မှူးကြီး​ကျော်​သူရက “ကျွန်တော်တို့ မန္တ​လေးမြို့အနှံ့ကို အကြီးအကဲ​တွေ ညွှန်ကြားချက်​နဲ့ COVID-19 ကို တတပ် တအား တပ်​မ​တော်​အဖွဲ့အစည်​းဖြင့် ဆေးဖျန်​းဆောင်​ရွက်​လျက်​ရှိပါတယ်​။ နောင်လည်း တောာက်လျှောက်​​ဆောင်​ရွက်​သွားမှာပါ။ ကျွန်​​တော်​တို့ လူထူထပ်​တဲ့နေ ရာတွေ၊ ​စျေး​တွေ၊ ဘုန်​းကြီး​ကျောင်​း​တွေ၊ သာသနာအ​ဆောက်​အအုံတွေကို အကုန် လုံးလိုက်​ပြီး ​ဆေးဖျန်​းပါတယ်​။ လက်​ရှိဆို မြတောင်​​ကျောင်​းတိုက်​၊ မစိုးရိမ်​ကျောင်​း တိုက်​၊ ဗန်​း​မော်​​ကျောင်​းတိုက်​ စတဲ့ နေရာ တွေ၊ ​စျေး​တွေ၊  အများကြီးဖျန်​းပြီးပါပြီ။ ကျွန်​​တော်​တို့ မန္တ​လေးမြို့ကို အဖွဲ့ရှစ်​ဖွဲ့ဖွဲ့ပြီး ​ဆေးဖျန်​း​နေတဲ့လုပ်​ငန်​းများ လုပ်​​ဆောင်​​နေ ပါတယ်​။ ကျွန်​​တော်​တို့ ဘာသာလူမျိုးမ​ရွေး၊ နေရာမ​ရွေး ဖျန်​း​ပေး​နေပါတယ်” ဟု ပြော ကြားသည်​။

မြန်မာနိုင်ငံတွင် COVID-19 ရောဂါ စတင်ဖြစ်ပွားသည့်အချိန်မှစ၍ မန္တလေး ခရိုင်ဦးစီးဌာနက ရောဂါကာကွယ်တားဆီးရေးလုပ်ငန်းများကို ခရိုင်အတွင်းရှိ မြို့နယ် ခုနစ်မြို့နယ်အလိုက် စီမံချက်များရေးဆွဲ၍ လေးရက်လျှင် တစ်ကြိမ်နှုန်းဖြင့် မန္တလေး မြို့အတွင်းရှိ ရပ်ကွက်များ၊ စျေးများ၊ ဆေးရုံ များတွင် ပိုးသတ်ဆေးဖျန်းခြင်းလုပ်ငန်းများ ကို ဆောင်ရွက်ပေးလျက်ရှိကြောင်း သိရ သည်။

“မန္တလေးခရိုင်မှာဆို COVID-19 နဲ့ ပတ်သက်ပြီး ဖြစ်ပြီဆိုကတည်းက တောက် လျှောက်ဆောင်ရွက်နေပါတယ်။ လေးရက် တစ်ကြိမ် ဆေးဖျန်းပါတယ်။ ရပ်ကွက်တွေထဲ ဖျန်းတယ်။ အထင်ကရနေရာတွေ၊ လူသွား လူလာများတဲ့နေရာတွေ၊ ဆေးရုံ ဒါတွေကို လေးရက်တစ်ကြိမ်ဖျန်းတယ်။ မြို့နယ် ခုနစ် မြို့နယ်ကနေပြီးတော့ တပ်ဖွဲ့ဝင်တွေက ဆောင်ရွက်နေပါတယ်။ အဲဒီလိုဆောင်ရွက် တဲ့အပိုင်းမှာ ဒီကနေ့ ဗန်းမော်ကျောင်းတိုက် နဲ့ သီလရှင်စာသင်တိုက် နှစ်ခုမှာ ဆေးဖျန်း ဆောင်ရွက်မှုကို သန္ဓေအရန်တပ်ဖွဲ့ဝင်က ၄၅ ဦး ၊ တပ်မတော်က ၁၅ ဦးတို့က ဆောင် ရွက်ခဲ့ပါတယ်” ဟု ​မန္တလေးခရိုင် မီးသတ် ဦးစီးဌာနမှ လက်ထောက်ညွှန်ကြားရေးမှူး ဦးထက်အောင်က ပြောကြားသည်​။