COVID-19 ကြောင့် ပြိုင်ပွဲရပ်နားထားစဉ်အတွင်း စီးရီးအေကလပ်အသင်း (၁၉)သင်းမှ ကစားသမားများနှင့် နည်းပြအဖွဲ့ ဝင်များအနေဖြင့် လစာလျှော့ယူရန် သဘောတူညီမှုရရှိခဲ့ကြောင်း သိရသည်။
COVID-19 ကြောင့် ပြိုင်ပွဲရပ်နားထားစဉ်အတွင်း စီးရီးအေကလပ်အသင်း (၁၉)သင်းမှ ကစားသမားများနှင့် နည်းပြအဖွဲ့ ဝင်များအနေဖြင့် လစာလျှော့ယူရန် သဘောတူညီမှုရရှိခဲ့ကြောင်း သိရသည်။
ယင်းသို့သဘောတူညီမှုရယူရာ၌ မဲခွဲဆုံးဖြတ်ခဲ့ပြီး ဂျူဗင်တပ်စ်အသင်းမှလွဲ၍ ကျန် (၁၉) သင်းက ထောက်ခံခဲ့သည်။
သို့သော် ဂျူဗင်တပ်စ်အသင်းမှကစားသမားများမှာ လစာ(၄)လစာ မယူရန် ဆုံးဖြတ်ထားပြီးဖြစ်ပြီး ယင်း (၄)လစာအတွက် အသင်းမှာ ယူရိုသန်း (၉၀) ဝန်းကျင် သက်သာသွားဖွယ်ရှိသည်။
စီးရီးအေကလပ်အသင်းများသည် အီတလီပရော်ဖက်ရှင်နယ်ကစားသမားများအစည်းအရုံး (AIC)နှင့် ဆွေးနွေးရာတွင် လစာငွေလျှော့ယူမှုနှင့်ပတ်သက်ပြီး တိကျခိုင်မာသည့် သဘောတူညီချက်မရရှိခြင်းကြောင့် ဧပြီလ (၆) ရက်က အရေးပေါ်ဗီဒီယိုကွန်ဖရင့်တစ်ခု ပြုလုပ်ခဲ့ပြီးနောက် ယခုကဲ့သို့ ဆုံးဖြတ်ချက် ချခဲ့ခြင်းဖြစ်သည်။
အဆိုပါသဘောတူညီချက်အရ စီးရီးအေအသင်း (၁၉) သင်းမှ ကစားသမားများအနေဖြင့် စီးရီးအေဘောလုံးရာသီ ပြန်လည်စတင်ဖြစ်လျှင် လစာငွေ၏ (၆)ပုံ (၁)ပုံသာ လျှော့ချခံရဖွယ်ရှိပြီး ယခုဘောလုံးရာသီမှာ အပြီးဖျက်သိမ်းခဲ့လျှင် (၃)ပုံ (၁)ပုံအထိ ဖြတ်တောက်ခံရမည်ဖြစ်ကြောင်း သိရသည်။
