ရိန်းဂျားစ်အသင်းသည် ယခုရာသီ စကော့တစ်ရှ်လိဂ်ဖလားပြိုင်ပွဲတွင် ဗိုလ်လုပွဲအထိတက်ရောက်နိုင်ခဲ့သော်လည်း ဆဲလ်တစ်အသင်းအား (၁-၀)ဂိုးဖြင့် အရေးနိမ့်ကာ ဖလားနှင့် လွဲခဲ့ရသည်။ လက်ရှိ စကော့တလန် ပရီးမီးယားလိဂ်ပြိုင်ပွဲတွင်လည်း ရိန်းဂျားစ်အသင်းသည် အမှတ်ပေးဇယားထိပ်ဆုံးမှ ဦးဆောင်နေသည့် ဆဲလ်တစ်အသင်းနှင့် ရမှတ်(၁၂)မှတ်အထိ ကွာဟလျက်ရှိနေသည်။
ပြီးခဲ့သည့်စနေနေ့က ကစားခဲ့သော စကော့တစ်ရှ်ဖလား ကွာတားဖိုင်နယ်ပွဲစဉ် ဟတ်စ် (၁-၀) ရိန်းဂျားစ် ပွဲပြီးနောက် ရိန်းဂျားစ်အသင်းနည်းပြ ဂျရတ်က လက်ရှိရာထူးမှ အနားယူရန် စဉ်းစားနေပြီဖြစ်ကြောင်း ဖွင့်ဟပြောကြားခဲ့သည်။
ရိန်းဂျားစ်အသင်းသည် ယခုရာသီ စကော့တစ်ရှ်လိဂ်ဖလားပြိုင်ပွဲတွင် ဗိုလ်လုပွဲအထိတက်ရောက်နိုင်ခဲ့သော်လည်း ဆဲလ်တစ်အသင်းအား (၁-၀)ဂိုးဖြင့် အရေးနိမ့်ကာ ဖလားနှင့် လွဲခဲ့ရသည်။ လက်ရှိ စကော့တလန် ပရီးမီးယားလိဂ်ပြိုင်ပွဲတွင်လည်း ရိန်းဂျားစ်အသင်းသည် အမှတ်ပေးဇယားထိပ်ဆုံးမှ ဦးဆောင်နေသည့် ဆဲလ်တစ်အသင်းနှင့် ရမှတ်(၁၂)မှတ်အထိ ကွာဟလျက်ရှိနေသည်။
ဟတ်စ် အသင်းအား ရှုံးနိမ့်ခဲ့သည့်ပွဲမှာ မိမိ၏နည်းပြဘဝတွင် အဆိုးရွားဆုံးဖြစ်ကြောင်း ဂျရတ်ကပြောကြားခဲ့ပြီး အသင်းနည်းပြရာထူးမှ အနားယူရန်အထိပင် စဉ်းစားနေပြီ ဖြစ်ကြောင်း ဝန်ခံပြောကြားခဲ့ခြင်းဖြစ်သည်။
" ဒီပွဲဟာ ကျွန်တော့်ရဲ့ရိန်းဂျားစ် နည်းပြဘဝမှာ အဆိုးရွားဆုံးလို့ ခံစားမိပါတယ်။ ကျွန်တော် ပြန်စဉ်းစားဖို့ လိုအပ်နေပါပြီ။ လာမယ့် (၂၄) နာရီနဲ့ (၄၈)နာရီအတွင်း အရေးပါတဲ့ ဆုံးဖြတ်ချက်တစ်ခုကို ချမှတ်ရမှာပါ" ဟု ဂျရတ်က ပြောကြားခဲ့သည်။
လီဗာပူးလ်ဂန္ထဝင်ကွင်းလယ်လူ ဂျရတ်သည် ရိန်းဂျားစ်အသင်းကို ၂၀၁၈ ဇွန်လတွင် စတင်ကိုင်တွယ်ခဲ့ပြီး ပြိုင်ပွဲစုံ (၁၁၀)ပွဲကိုင်တွယ်ခဲ့ရာ (၆၇)ပွဲ နိုင်ပွဲရရှိခဲ့သည်။
