ယခင်တစ်ပတ်မှအဆက်
■ အာသနယောဂ
အာသနယောဂဟာ ယောဂအင်္ဂါရှစ်မျိုးမှာ တတိယမြောက်ဖြစ်ပါတယ်။ ကမ္ဘာနဲ့ အဝန်းယောဂကို လူသိများလာစေခြင်းဟာလည်း အာသနယောဂရဲ့ ဆွဲဆောင်မှုကြောင့်ဖြစ်ပါတယ်။ အာသနယောဂဟာ အနောက်တိုင်းအထိ ပျံ့နှံ့သွားပြီးတဲ့အခါ အာသနအလေ့အကျင့်ပုံစံတွေလည်း မြောက်မြားစွာ ပေါ်လာပါတယ်။ နောက်ပိုင်းမှာ အာသနအလေ့အကျင့်တွေကို ရောဂါတွေကုသရာမှာ သုံးစွဲလာကြပါတယ်။ အာသနယောဂ လုပ်ဆောင်ရာမှာ အစပိုင်း၊ အလယ်ပိုင်းနဲ့ အဆုံးသတ်ဆိုပြီး အဆင့်သုံးဆင့်နဲ့ စနစ်တကျလုပ်ဆောင်မှသာ လိုချင်တဲ့ရည်မှန်းချက်ကို အပြည့်အဝရရှိမှာ ဖြစ်ပါတယ်။
■ ရုပ်ခန္ဓာကို ယောဂနည်းဖြင့် ငြိမ်သက်စေခြင်း
ရိုးရာယောဂမှာ အာသနယောဂကို နက်နဲတဲ့ ယောဂအလေ့အကျင့်တွေအတွက် ကိုယ်ခန္ဓာကို ပြင်ဆင်ရန် အခြေခံအားဖြင့် အသုံးပြုပါတယ်။ ၎င်းက ၎င်းကိုယ်တိုင်မှာ အဆုံးမသတ်ဘဲ ကျန်တဲ့ယောဂတွေအတွက် အခြေခံအဖြစ် ဆောင်ရွက်ပေးပါတယ်။ ယောဂကို သက္ကတဘာသာအရ ‘ထိုင်စရာ’ ဟု အဓိပ္ပာယ်ဖွင့်ဆိုပါတယ်။ အဲဒါကြောင့် အာသနဟာယောဂအလေ့အကျင့်အတွက် ‘ထိုင်စရာ’ ပြင်ဆင်ပေးခြင်းဖြစ်တယ်လို့ ညွှန်းဆိုပါတယ်။ ရိုးရာယောဂဟာ ရုပ်ပိုင်းဆိုင်ရာ မအီမသာဖြစ်မှုမရှိဘဲ တရားထိုင်ခြင်းနဲ့ ပရာဏယာမ လေ့ကျင့်နိုင်တဲ့ နေထိုင်မှုပုံစံတွေ တည်ဆောက်ရန် ရည်ရွယ်ပါတယ်။ တခြား ယောဂနေထိုင်မှုပုံစံတွေနဲ့ ရွေ့လျားမှုတွေကို ထိုင်တဲ့ပုံစံနဲ့ လွယ်ကူစွာ ထိန်းသိမ်းနိုင်စေရန်အလို့ငှာ ကိုယ်ခန္ဓာကို ပျော့ပျောင်းမှုဖြစ်စေရေး ပုံစံဖြစ်ပါတယ်။
အာသနယောဂဟာ ကိုယ်ခန္ဓာမှာ ငြိမ်သက်ခြင်း အရည်အချင်းဖြစ်တဲ့ သတွဂုဏ ဂုဏ်ဖွံ့ဖြိုးရန်နဲ့ စိတ်လှုပ်ရှားဂနာမငြိမ်ဖြစ်ခြင်းရဲ့ အရည်အချင်းတစ်ခုဖြစ်တဲ့ ရဇဂုဏကို တန်ပြန်ရန် ပုံစံပြုထားပါတယ်။ စစ်မှန်တဲ့ အာသနအလေ့အကျင့်မှာ သဘာဝကို အင်အားသုံး ဆန့်ကျင်ခြင်းမဟုတ်ဘဲ ငြိမ်သက်ခြင်းနဲ့ မလှုပ်ရှားခြင်းတို့ သင့်လျော်တဲ့ အတိုင်းအတာတစ်ခုအထိ ပါဝင်ပါတယ်။ စိတ်ဖိစီးမှုနဲ့ အတ္တစိတ် ဖြစ်ပေါ်စေမှုကိုလည်း လျော့ပါးစေနိုင်ပါတယ်။ အာသနဟာ အတွင်းပိုင်း သတိရှေ့သို့ ရောက်လာစေရန် ကိုယ်ခန္ဓာမှာ ပြုလုပ်မှုမရှိတဲ့ အခြေအနေအတိုင်းထားရန် ကူညီနိုင်ပါတယ်။ အာသနယောဂဟာ ရွေ့လျားမှုဖွံ့ဖြိုးခြင်းထက် ရုပ်ပိုင်းဆိုင်ရာ ရွေ့လျားမှုလျှော့ချခြင်းက ပိုမိုတယ်လို့ ဆိုလိုပါတယ်။
အကောင်းဆုံးဖြစ်တဲ့ ထိုင်လျက်အနေအထားတွေဟာ ပဒုမ္မာကြာပုံစံ၊ ခြင်္သေ့ပုံစံ၊ စိန်ပုံစံတို့ဖြစ်ပါတယ်။ ဒါပေမဲ့ ကုလားထိုင်မှာထိုင်ပြီး လိုအပ်တဲ့ မည်သည့်သက်သောင့်သက်သာပုံစံ (သုခသန)ကိုမဆို အသုံးပြုနိုင်ပါတယ်။ အာသန လေ့ကျင့်မှုရည်မှန်းချက်မှာ ခက်ခဲသောပုံစံတွေနဲ့ ကိုယ်ခန္ဓာကို လှည့်၍ လိမ်ပတ်စေရန်မဟုတ်ဘဲ ငြိမ်သက်အေးချမ်းစွာ ထိုင်ရန်ဖြစ်ပါတယ်။
■ အာသနနဲ့ ကိုယ်လက်လေ့ကျင့်ခန်း
အာသနယောဂဟာ ကိုယ်ခန္ဓာကို သန်စွမ်းပျော့ပျောင်းစေရန် ပြုလုပ်နိုင်သလို စိတ်ဖိစီးမှုတွေကို လျော့ကျစေခြင်း၊ အဆိပ်တွေကို ဖယ်ရှားခြင်းနဲ့ မွန်းကျပ်မှုတွေကို လျော့ကျစေနိုင်တဲ့အတွက်ကြောင့် ကိုယ်လက်လှုပ်ရှားမှု လေ့ကျင့်ခန်းမှာ စံပြပုံစံတစ်ခုဖြစ်ပါတယ်။ တခြားကိုယ်လက်လှုပ်ရှားမှု လေ့ကျင့်ခန်း ပုံသဏ္ဌာန်တွေဟာ ကောင်းမွန်တဲ့လုပ်ဆောင်မှု အကျိုးကျေးဇူးကို ပေးရမည့်အစား ကြွက်သားတွေ၊ အရိုးတွေ၊ အဆစ်တွေမှာ တောင့်တင်းမှုဖြစ်စေပြီး စိတ်နဲ့ အာရုံကြောအဖွဲ့ကို ဖိစီးမှုပို၍ဖြစ်စေပါတယ်။
အာသနယောဂဟာ စိတ်နဲ့ခံစားမှု အာရုံကြောအဖွဲ့အစည်းတွေ ငြိမ်သက်မှုအတွက် ကိုယ်ခန္ဓာရွေ့လျားမှုတွေ မရှိစေရန် ကျွန်ုပ်တို့ကို လမ်းညွှန်ပါတယ်။ ၎င်းဟာ ပြန်လည်နုပျိုစေနိုင်ရန်နဲ့ စွမ်းအင်တွေ မဆုံးရှုံးစေရန်အတွက် ကိုယ်ခန္ဓာကို လှုပ်ရှားမှုတွေ လွန်ကဲစွာ ပြုလုပ်ခြင်းမှ လျှော့ချစေရန် ကူညီပါတယ်။ ၎င်းဟာ ငြိမ်းချမ်းခြင်း၊ အာရုံစူးစိုက်ခြင်းနဲ့ တည်ငြိမ်ခြင်းဖြစ်ပေါ်စေရန် ခွင့်ပြုလျက် ကျွန်ုပ်တို့ရဲ့ ရုပ်ပိုင်းဆိုင်ရာ စွမ်းအင်အလုပ်လုပ်ပုံနဲ့ ရွေ့လျားပုံနည်းလမ်းကို ပြောင်းစေပါတယ်။
အာသနယောဂဟာ ငယ်ရွယ်တဲ့သူတွေအတွက်သာမက အသက်ကြီးသူတွေအတွက်လည်း ကောင်းမွန်သင့်လျော်ပါတယ်။ အရိုးမှာ အခြေတည်ဖြစ်တဲ့ အဆစ်ရောင်ရောဂါလို အသက်ကြီးမှုကြောင့်ဖြစ်တဲ့ ပြဿနာတွေကို ပုံမှန်အာသနလေ့ကျင့်မှုတွေနဲ့ သက်သာပျောက်ကင်းစေနိုင်ပါတယ်။ ငယ်ရွယ်သော သူတွေအတွက် ယောဂအနေအထိုင်တွေဟာ စိတ်ပျံ့လွင့်ခြင်း၊ စိတ်တုန်လှုပ်ခြင်းနဲ့ လှုပ်ရှားမှုလွန်ခြင်းတွေကို လျော့စေပြီး ငြိမ်သက်အေး ချမ်းမှုအကျိုးကိုရရှိစေပါတယ်။
■ အာသနယောဂနဲ့ ပရာဏယောဂ
ကြီးမြတ်တဲ့ ယောဂီတွေဟာ တရားထိုင်စဉ်အတွင်း ပေါ်လာတဲ့ ရှင်သန်ရေးစွမ်းအင်ဖြစ်တဲ့အတွင်း ပရာဏကို ဖြစ်စေခြင်းအားဖြင့် ၎င်းတို့ရဲ့ အာသနကို ရယူပါတယ်။ အာသနမှ စံပြဟုခေါ်ဆိုထိုက်တဲ့ ကိုယ်နေဟန်ပုံစံ တစ်ခု(သို့မဟုတ်) အများမရှိပါ။ ၎င်းဟာ ကျွန်ုပ်တို့မှတစ်ဆင့် စီးဆင်းစေရန်နဲ့ ပြန်လည်အားအင်ဖြစ်စေရန် ပရာဏ(သို့မဟုတ်) စကြဝဠာဆိုင်ရာ ဘဝစွမ်းအင်ကိုရရှိရန် ကူညီခွင့်ပြုပါတယ်။ ပရာဏယောဂမှာ ကမ္ဘာလုံးဆိုင်ရာ ဘဝနှင့် သတိတရားတို့ရဲ့ လက်ရှိအခြေအနေနဲ့အတူ ကိုယ်ခန္ဓာကို ည့်မတ် ပေးတဲ့ မြင့်မားသော ဉာဏ်ရှေ့ပြေး လုပ်ဆောင်မှု ရှိပါတယ်။
အာသနယောဂကို အလုပ်အကျွေးပြုတာထက်ပိုတဲ့ အထူးပြုပုံစံတွေနဲ့ အစီအစဉ်တကျ ပြုလုပ်ပြီး အသက်ရှူခြင်းနဲ့ တွဲဖက်ပြုလုပ်သင့်ပါတယ်။ ကျွန်ုပ်တို့ဟာ စွမ်းအင်ကို ဖော်ထုတ်စေတဲ့ ပရာဏကို အာသနအလေ့အကျင့်နဲ့အတူတကွယှဉ်တွဲ ရွေ့လျားရမည်ကို သတိရသင့်ပါတယ်။ ထိုင်လျက်ပြုလုပ်တဲ့ အာသနတွေမှာပင် တစ်မျိုးတည်း အားထုတ်လုပ်ဆောင်မှုထက် ပရာဏ၏ ပြည့်ဝမှုကို ပူးပေါင်းလုပ်ဆောင်သင့်ပါတယ်။
■ အာသနယောဂနှင့် သတိရှိမှု
တခြားယောဂအပိုင်းတွေလို အာသနယောဂကို သတိကြီးစွာချဉ်းကပ်မှုပြုရန် လိုအပ်ပါတယ်။ ကိုယ်ခန္ဓာနဲ့ တည်ဆောက်မှုသာမက အတွေးနဲ့ အသက်ရှူခြင်းလှုပ်ရှားမှုဖြစ်တဲ့ အသိရှိမှုနဲ့ သတိရှိမှုတည်ရှိခြင်းဟာ ယောဂအလေ့အကျင့်အတွက် အခြေခံဖြစ်ပါတယ်။ တရားထိုင်ခြင်းအတွက် ပို့ဆောင်တဲ့ ယာဉ်ကို ကိုယ်ခန္ဓာမှာ ပြုလုပ်ခြင်း၊ အခြေအနေကို သက်သေပြုခြင်း၊ စိတ်ကို ငြိမ်သက်စွာထားခြင်းတို့ လိုအပ်ပါတယ်။
စစ်မှန်တဲ့အာသနကို အတွင်းဖြစ်တည်မှု မြင့်မားတဲ့ သတိရှိခြင်းနဲ့အတူ ပြုလုပ်ရပါတယ်။ ကျွန်ုပ်တို့ရဲ့ ကိုယ်ခန္ဓာအပေါ် ပြန်ကြည့်တဲ့အခါ တွေ့ရတဲ့ စိုးရိမ်မှုထက် အာသနအလေ့အကျင့်အတွင်း ဂမ္ဘီရနဲ့ ဆက်သွယ်ခြင်းနဲ့ မြင့်မားသော သဘာဝအပေါ် သိရှိခြင်းတွေ ကျန်ရှိသင့်ပါတယ်။
■ အာသန ယောဂီ
ယနေ့အခါတွင် ယောဂီတစ်ဦးရဲ့ပုံရိပ်ဟာ အာသန ယောဂီတစ်ဦးအဖြစ် အများဆုံး သိရှိထားကြပါတယ်။ အာသနယောဂီတို့ဟာ ပုံမှန်ထက်လွန်ကဲတဲ့ ရုပ်ပိုင်းဆိုင်ရာ ပျော့ပျောင်းမှုကို ပိုင်ဆိုင်ထားကြပြီး အာသန ယောဂအမျိုးအစားပေါင်းများစွာကို တိုးပွားပြုစုထားကြပါတယ်။ ဒါပေမဲ့ စစ်မှန်တဲ့ အာသနယောဂီတစ်ဦးဟာ ရွေ့လျားရန်နဲ့ စကားပြောရန် လိုအပ်တဲ့ခံစားမှုတွေမရှိဘဲ စကြဝဠာဆိုင်ရာစိတ်နဲ့ ပရာဏကို ဆက်သွယ်ထားတဲ့အတွက် ငြိမ်သက်စွာ၊ ပျော့ပျောင်းသက်သာစွာ၊ အသိရှိစွာ ထိုင်နေနိုင်ပါတယ်။ သူ (သို့မဟုတ်) သူမဟာ ခက်ခဲတဲ့ ယောဂပုံစံတွေကို ကောင်းမွန်စွာ အကျွမ်းတဝင် လုပ်ဆောင်ရန်မလိုအပ်ပါ။ ထိုသို့ဆိုပါက ကာယလေ့ကျင့်သူတစ်ဦးဟာ အလိုအလျောက် ယောဂီဖြစ် သွားပေလိမ့်မယ်။ စစ်မှန်တဲ့ အာသနအလေ့အကျင့်တွေနဲ့ နှလုံးသားအတွင်းပိုင်းမှာ ခိုင်မြဲလျက် ကိုယ်ပိုင်သဘာဝမှာ အခြေတည်ထားခြင်းကို ဆိုလိုပါတယ်။ အဲဒီနောက် ဖြစ်တည်မှုအားလုံးဟာ ကိုယ်ခန္ဓာမှာ အာသနနဲ့ ၎င်းရဲ့ ငြိမ်သက်ခြင်းအပိုင်း ပေါင်းစပ်ဖြစ်လာမှာဖြစ်တယ်။
သက်သောင့်သက်သာရှိတဲ့ နေထိုင်မှုပုံစံတစ်ခု ဖွံ့ဖြိုးမှုအစား နက်နဲတဲ့ တရားထိုင်ခြင်းကို ကြိုးစား၍ ပြောင်းရွှေ့အသုံးပြုရမှာ ဖြစ်တယ်။ စစ်မှန်တဲ့ အာသနကျွမ်းကျင်သူတစ်ဦးဟာ ထိုင်လျက်ပုံစံကို သက်သောင့်သက်သာ မလှုပ်မရှားပုံစံနဲ့ အနည်းဆုံး တစ်နာရီထိုင်နိုင်ပါတယ်။ ၎င်းဟာ ရှေးရိုးယောဂမှာ ရှာဖွေတွေ့ရှိထားတဲ့ အာသနရဲ့အဓိက ကြိုးပမ်းမှုဖြစ်တယ်။ ယောဂအလေ့အကျင့် မှာ အာသနဟာ အစသာဖြစ်ပြီး ၎င်းနဲ့ အဆုံးမသတ်သင့်ကြောင်း သိထားရမှာဖြစ်တယ်။ အာသနနဲ့ လေ့ကျင့်မှုရပ်လိုက်တဲ့အခါ ကောင်းမွန်တဲ့ အကျိုးကျေးဇူးရလာနိုင်မှာဖြစ်ပေမယ့် ကိုယ်ခန္ဓာ၊ စိတ်နဲ့ဝိညာဉ်ကို ခွဲခြမ်းစိတ်ဖြာသိမြင်မှုပေါ် အခြေခံတဲ့ စစ်မှန်တဲ့ ယောဂပြုလုပ်ပြီးပြီဟု မမှတ်ယူသင့်ပေ။
အာသနယောဂအလေ့အကျင့်ကို နံနက်ပိုင်းမှာ တစ်ကြိမ်၊ ညနေပိုင်းမှာတစ်ကြိမ် ပြုလုပ်ရင်ကောင်းပါတယ်။ ဒါပေမဲ့ အာသနအလေ့အကျင့်ကို ပြင်းထန်စွာ မပြုလုပ်သင့်ပါ။ ၎င်းကို အစွဲအလမ်းမရှိဘဲ ညင်သာစွာ ပြုလုပ်သင့်ပါတယ်။ အာသနကို ကိုယ်ခန္ဓာသတိရှိမှု ရရှိစေရန် ကူညီမှုအတွက်သာ ရည်ရွယ်ပြီး မြင့်မားစေရေးအတွက် မရည်ရွယ်ပါ။
အာသနအပေါ် လွန်ကဲစွာမှီခို အားထားခြင်းဟာ မြင့်မားတဲ့ ယောဂအလေ့အကျင့်အတွက် အဟန့်အတား ဖြစ်လာနိုင်တယ်လို့ ရှေးရိုးယောဂက သင်ကြားထားပါတယ်။ အာသန အလေ့အကျင့်ဟာ ကိုယ်ခန္ဓာ အသိတရားကို နည်းနည်းမဟုတ်ဘဲ များများဖန်တီးပြီးရရှိစေရန် လုပ်ဆောင်တဲ့အခါ ၎င်းဖြစ်ပွားတဲ့ ကိုယ်ခန္ဓာမှာ လေးလံမှုတချို့နဲ့ မှိုင်းဝေမှုတချို့ ဖြစ်တာကို သတိပြုရပါမယ်။ ကျွန်ုပ်တို့ဟာ ရုပ်ခန္ဓာပေါ်မှာ လွန်ကဲစွာမှီခိုပါက စိတ်ကို ဆွဲချနိုင်သည့်အခြေအနေ ဖြစ်ပေါ်လာနိုင်ပါတယ်။ ကိုယ်ခန္ဓာကို အလင်းနဲ့စွမ်းအင် ပြုလုပ်သလို အာသနကိုလည်း ပေါ့ပေါ့ပါးပါး၊ သက်သက်သာသာလေ့ကျင့်ရပါမယ်။
ဆက်လက်ဖော်ပြပါမည်။
