မန်ယူအသင်းသည် ရီးယဲလ်မက်ဒရစ်တောင်ပံကစားသမား ဂါရတ်ဘေးလ်ကိုခေါ်ယူမည်ဟု သတင်းများထွက်ခဲ့သော်လည်း ၄င်းအစားဆန်ချိုကိုကမ်းလှမ်းရန် အသင့်ရှိနေကြောင်း သိရသည်။
မန်ယူအသင်းသည် ဒေါ့မွန်အသင်းလူငယ်တောင်ပံကစားသမား ဆန်ချိုအား ခေါ်ယူရန်စီစဉ်နေကြောင်း ဗြိတိန်သတင်းစာ Daily Star က ဖော်ပြခဲ့သည်။
မန်ယူအသင်းသည် ကနဦးက နာမည်ကျော်ဝါရင့်ကစားသမားများကို ခေါ်ယူရန်စီစဉ်ခဲ့သော်လည်း ယခုအခါ အသင်း၏အနာဂတ်ကို လူငယ်ကစားသမားများဖြင့် တည်ဆောက်ရန် ဆန္ဒရှိနေပြီး လူငယ်ကစားသမား (၃)ဦးကို ခေါ်ယူရန်ပစ်မှတ်ထားလာခြင်းဖြစ်သည်။
မန်ယူအသင်းပစ်မှတ်ထားနေသည့် ယင်းကစားသမား (၃)ဦးမှာ ဝက်စ်ဟမ်းကွင်းလယ်လူ ဒက်ကလန်ရိုက်၊ ချယ်လ်ဆီးတောင်ပံကစားသမား အိုဒွိုင်းနှင့် ဒေါ့မွန်တောင်ပံကစားသမား ဆန်ချိုတို့ဖြစ်ကြောင်း Daily Star က ဖော်ပြခဲ့သည်။
အသက် (၁၉)နှစ်အရွယ်ရှိ အင်္ဂလန်တောင်ပံကစားသမား ဆန်ချိုသည် ယခုရာသီတွင် ဒေါ့မွန်အသင်းနှင့်အတူတောက်ပလာသည့် လူငယ်ကစားသမားဖြစ်ပြီး ၄င်းကိုခေါ်ယူရန် ဥရောပထိပ်တန်းကလပ်အသင်းများက စိတ်ဝင်စားနေကြောင်းသိရသည်။
မန်ယူအသင်းသည် ရီးယဲလ်မက်ဒရစ်တောင်ပံကစားသမား ဂါရတ်ဘေးလ်ကိုခေါ်ယူမည်ဟု သတင်းများထွက်ခဲ့သော်လည်း ၄င်းအစားဆန်ချိုကိုကမ်းလှမ်းရန် အသင့်ရှိနေကြောင်း သိရသည်။
မန်ယူအသင်းအနေဖြင့် ဥရောပတွင် ထွန်းတောက်နေသည့် ဆန်ချိုကိုခေါ်ယူမည်ဆိုပါက အနည်းဆုံးပေါင်သန်း (၇၀) အထိအသုံးပြုရမည်ဖြစ်ကြောင်းလည်း Daily Star က ဖော်ပြခဲ့သည်။
