လီဗာပူးလ်နည်းပြ အီရာအိုလာက နောက်ခံလူ ဂျိုးဂိုးမက်ဇ် ဒဏ်ရာရရှိခဲ့တာက အဆိုးရွားဆုံးသတင်းဖြစ်ကြောင်း ပြောကြားခဲ့ပါတယ်။
လီဗာပူးလ်အသင်းဟာ ပထမဆုံးရာသီကြိုခြေစမ်းပွဲအဖြစ် ဆန်းဒါးလန်းအသင်းနဲ့ အမေရိကန်မှာ ယှဉ်ပြိုင်ကစားခဲ့ပြီး (၄-၂)ဂိုးနဲ့ အနိုင်ရခဲ့ပေမဲ့ ဂျိုးဂိုးမက်ဇ်က ဒဏ်ရာရရှိခဲ့တာကြောင့် (၈)မိနစ်မှာပဲ လူစားလဲခံခဲ့ရပါတယ်။
အဲဒီပွဲမှာ ဂျိုးဂိုးမက်ဇ်က အသင်းခေါင်းဆောင်အဖြစ် တာဝန်ယူခဲ့ရတာပါ။
''စစချင်းမှာပဲ ဂျိုးဂိုးမက်ဇ် ဒဏ်ရာရသွားခဲ့တာက အဆိုးရွားဆုံးသတင်း ဖြစ်မယ်ထင်ပါတယ်။ လေ့ကျင့်မှုအစီအစဉ်တွေမှာ ကစားသမားတစ်ယောက်မှ မဆုံးရှုံးခဲ့ရတာကြောင့် ကျွန်တော်တို့ ပျော်ရွှင်ခဲ့ရပေမဲ့ ကံမကောင်းစွာနဲ့ ဂျိုးကို ဆုံးရှုံးလိုက်ရပါပြီ။ ဒဏ်ရာမပြင်းထန်ဖို့ မျှော်လင့်ပါတယ်။ ဒါပေမဲ့ အခုတော့ ဘာမှ မသိရသေးပါဘူး'' လို့ အီရာအိုလာက ပြောကြားခဲ့ပါတယ်။
ဂျိုးဂိုးမက်ဇ်ဟာ ၂၀၁၅ ခုနှစ်ကတည်းက ချာလ်တန်ကနေ လီဗာပူးလ်ကို ပြောင်းရွှေ့ခဲ့သူဖြစ်ပြီး အသင်းရဲ့ သက်တမ်းအရင့်ဆုံး ကစားသမားတစ်ဦးအဖြစ် ရပ်တည်နေသူဖြစ်ပေမဲ့ ဒဏ်ရာပြဿနာတွေနဲ့ မကြာခဏ ရင်ဆိုင်နေရသူပါ။
ဒါကြောင့် အသက်(၂၉)နှစ်ရှိပြီဖြစ်တဲ့ ဂျိုးဂိုးမက်ဇ်ကို အသင်းမှာ ဆက်ထိန်းမထားသင့်တော့ကြောင်း အကြံပြုတိုက်တွန်းမှုတွေလည်း ရှိနေပါတယ်။
