နိုင်ငံ​တော်သမ္မတ ဦးမင်း​အောင်လှိုင်အား လာအိုသမ္မတသောင်လောင်ဆီ ဆိုလစ်က လာအိုသမ္မတအိမ်တော်တွင် ဂုဏ်ပြုတပ်ဖွဲ့ဖြင့်ကြိုဆိုပြီး ​တွေ့ဆုံ​ဆွေး​နွေးလျက်ရှိ​ကြောင်း သိရသည်။

လာအိုသမ္မတ သောင်လောင်ဆီ ဆိုလစ်၏ ဖိတ်ကြားချက်အရ နိုင်ငံတော်သမ္မတ ဦးမင်းအောင်လှိုင်သည် ယနေ့(ဇူလိုင် ၃ ရက်)နံနက်ပိုင်းတွင် လာအိုနိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ် ရောက်ရှိသွားခြင်းဖြစ်သည်။

ထိုသို့ ချစ်ကြည်​ရေးခရီး​ရောက်ရှိလာသည့် နိုင်ငံ​တော်သမ္မတ ဦးမင်း​အောင်လှိုင်အား လာအိုသမ္မတ

သောင်လောင်ဆီ ဆိုလစ်က လာအိုသမ္မတအိမ်တော်တွင် ကြိုဆိုသည့်အခမ်းအနား၌ နှစ်နိုင်ငံသမ္မတများ အလေးပြုခံစင်မြင့်ထက်၌ ဂုဏ်ပြုတပ်ဖွဲ့၏ အ​လေးပြုခြင်းကိုခံယူခြင်း၊ ဂုဏ်ပြုတပ်ဖွဲ့က နိုင်ငံတော်သီချင်းများအား တီးခတ်ခြင်း၊ နှစ်နိုင်ငံ သမ္မတများ ဂုဏ်ပြုတပ်ဖွဲ့ထိပ်နေရာရှိ လာအိုအလံအား ဦးညွတ်ဂါရဝပြု၍ ဂုဏ်ပြုတပ်ဖွဲ့အား လှည့်လည် စစ်ဆေးခြင်းတို့ပြုလုပ်ခဲ့သည်။

ထို့နောက် နိုင်ငံတော်သမ္မတဦးမင်း​အောင်လှိုင်သည် လာအိုသမ္မတနှင့်​တွေ့ဆုံ​ပြီး နိုင်ငံ​တော်သမ္မတဦး​ဆောင်သည့် မြန်မာ အဆင့်မြင့်ကိုယ်စားလှယ်များသည် နှစ်နိုင်ငံ​ဆွေး​နွေးပွဲသို့ တက်​ရောက်​ဆွေး​နွေး​​နေ​ကြောင်း သိရသည်။