သြစတြေးလျနိုင်ငံတွင် H5 ကြက်ငှက်တုပ်ကွေး ဗိုင်းရပ်စ်မျိုးကွဲကို ပထမဆုံးအကြိမ် တွေ့လာရပြီဟု စိုက်ပျိုးရေးဝန်ကြီးက ဇွန် ၂၀ ရက်တွင် ကြေညာခဲ့သည်။
ယခုအခါ အလွန်ကူးစက်မြန် အဆိုပါဗိုင်းရပ်စ်မျိုးကွဲသည် ကမ္ဘာ့တိုက်ကြီးအားလုံးသို့ ပျံ့နှံ့လာပြီဖြစ်သည်။
အနောက်သြစတြေးလျဒေသရှိ ရွှေ့ပြောင်းပင်လယ်ပျော်ငှက်တစ်ကောင်တွင် H5 ကြက်ငှက်တုပ်ကွေးကို တွေ့ခဲ့ခြင်းဖြစ်ပြီး ယင်းဒေသ၌ပင် အခြားနေမကောင်းဖြစ်နေသည့် ငှက်တစ်ကောင်ထံမှ ရယူထားသည့် ဓာတ်ခွဲနမူနာများတွင်လည်း ရောဂါပိုးရှိနိုင်ကြောင်း သံသယဖြစ်ဖွယ် တွေ့နေရသည်ဟု စိုက်ပျိုးရေးဝန်ကြီး ဂျူလီ ကောလင်းစ်က သတင်းစာရှင်းလင်းပွဲတွင် ပြောကြားခဲ့သည်။
ဩစတြေးလျဝန်ကြီးချုပ် အန်သနီ အယ်လ်ဘာနိစ်ကလည်း အဆိုပါရောဂါပိုး တွေ့ရှိမှုသည် စိုးရိမ်စရာကောင်းပြီး ရောဂါပျံ့နှံ့မှုကို ထိန်းချုပ်ရန် အစိုးရက အစီအမံများ ဆောင်ရွက်သွားမည်ဟု ဆိုသည်။
H5 ဗိုင်းရပ်စ်မျိုးကွဲသည် ကမ္ဘာတစ်ဝန်းရှိ မွေးမြူရေးကြက်ငှက်များ၊ တောရိုင်းငှက်များနှင့် နို့တိုက်သတ္တဝါများတွင် ရောဂါဖြစ်နှုန်း ပြင်းထန်ခြင်းနှင့် သေဆုံးမှုနှုန်း မြင့်မားခြင်းတို့ ဖြစ်စေခဲ့သည်။ ယခင်က အဆိုပါ ဗိုင်းရပ်စ်မျိုးစိတ် မတွေ့ရသေးသည့် တစ်ခုတည်းသော တိုက်က သြစတြေးလျတိုက်ဖြစ်သည်။
Photo -Reuters
