နိုင်ငံတော်သမ္မတ ဦးမင်းအောင်လှိုင်သည့် မြန်မာအဆင့်မြင့်ကိုယ်စားလှယ်အဖွဲ့အား တရုတ်သမ္မတ ရှီကျင့်ဖျင်က ဂုဏ်ပြု​နေ့လယ်စာဖြင့် တည်ခင်းဧည်ခံခဲ့​ကြောင်း သိရသည်။

တရုတ်သမ္မတ ရှီကျင့်ဖျင်၏ ဖိတ်ကြားချက်အရ တရုတ်နိုင်ငံသို့ နိုင်ငံတော်အဆင့်ချစ်ကြည်ရေးခရီးစဉ် ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်အား ယနေ့(ဇွန် ၁၆ ရက်)ဒေသစံတော်ချိန် နံနက် ၁၀ နာရီခန့်တွင် ပေကျင်းမြို့ရှိ The Great Hall တွင် ဂုဏ်ပြုတပ်ဖွဲ့ဖြင့်ကြိုဆိုခဲ့သည်။

ထို့နောက် နိုင်ငံတော်သမ္မတ ဦးမင်းအောင်လှိုင်နှင့် တရုတ်သမ္မတမစ္စတာရှီကျင့်ဖျင်နှင့် တွေ့ဆုံဆွေးနွေးမှု ပြုလုပ်ခဲ့ပြီး ​တွေ့ဆုံပွဲအပြီးတွင် နှစ်နိုင်ငံ​ သမ္မတနှစ်ဦး​ရှေ့​မှောက်တွင် နှစ်နိုင်ငံမှ သက်ဆိုင်ရာကဏ္ဍအလိုက် တာဝန်ရှိသူများက သဘောတူစာချုပ်နှင့်နားလည်မှုစာချွန်လွှာ ၁၈ ခုတို့ကို လက်မှတ်​ရေးထိုးလဲလှယ်ခဲ့ကြသည်။

ယင်းနောက်  နိုင်ငံတော်သမ္မတ ဦးမင်းအောင်လှိုင် ဦးဆောင်သည့် ကိုယ်စားလှယ်အဖွဲ့ဝင်များအား တရုတ်ပနိုင်ငံသမ္မတ မစ္စတာရှီကျင့်ဖျင် က အထူးဂုဏ်ပြုနေ့လယ်စာဖြင့် တည်ခင်းဧည့်ခံရာ ဦးစွာ  နိုင်ငံတော်သမ္မတ ဦးမင်းအောင်လှိုင်အား တရုတ်ပြည်သူ့ သမ္မတနိုင်ငံသမ္မတ မစ္စတာရှီကျင့်ဖျင် က အသင့်စောင့်ကြိုလက်ဆွဲနှုတ်ဆက်ကြိုဆိုပြီး နေ့လယ်စာသုံးဆောင်မည့်ခန်းမအတွင်း သို့ အတူတကွဝင်ရောက်ကာ အထူးနေ့လယ်စာကို အတူတကွသုံးဆောင်ကြသည်။

အထူးဂုဏ်ပြုနေ့လယ်စာသုံးဆောင်နေစဉ်အတွင်း တရုတ်ရိုးရာယဉ်ကျေးမှု အဖွဲ့ များက နှစ်နိုင်ငံတေးသီချင်းများဖြင့် ဂုဏ်ပြုတီးမှုတ်ဖျော်ဖြေကြသည်။