ဘာစီလိုနာအသင်းဟာ ဆော်ဒီကလပ် အယ်လ်ဟီလာအသင်းက ပေါ်တူဂီနောက်ခံလူ ကန်ဆယ်လိုကို အငှားစာချုပ်နဲ့ ဒုတိယအကြိမ် ခေါ်ယူလိုက်ကြောင်း သိရပါတယ်။
ကန်ဆယ်လို(၃၁ နှစ်)ဟာ မန်စီးတီးအသင်းမှာရှိစဉ် ၂၀၂၃-၂၄ ရာသီတုန်းက ဘာစီလိုနာအသင်းကို အငှားနဲ့ လာရောက်ကစားခဲ့ဖူးပြီး ခြေစွမ်းပြနိုင်ခဲ့ပါတယ်။
ကန်ဆယ်လိုက ဥရောပမှာ ပြန်လည်ပြောင်းရွှေ့ကစားဖို့ စီစဉ်ချိန်မှာ အင်တာမီလန်အသင်းကလည်း အငှားခေါ်ယူဖို့ ကြိုးပမ်းခဲ့ပေမဲ့ ဘာစီလိုနာအသင်းနဲ့ ပြန်လည်လက်တွဲဖို့သာ ဆုံးဖြတ်ခဲ့ခြင်းဖြစ်ကြောင်း သိရပါတယ်။
ဘာစီလိုနာအသင်းက ကန်ဆယ်လိုကို အငှား ခေါ်ယူခြင်းအတွက် ငှားရမ်းခ ပေးရခြင်းမရှိဘဲ အငှားခေါ်ယူတဲ့ကာလအတွင်း ပေးချေရမယ့် လစာပမာဏကတော့ ယူရို(၄)သန်းဝန်းကျင်ရှိမယ်လို့ သိရပါတယ်။
ကန်ဆယ်လိုဟာ ဘာစီလိုနာအသင်းမှာ ပထမတစ်ကြိမ် အငှားလာရောက်ကစားစဉ်က ဝတ်ဆင်ခဲ့တဲ့ ကျောနံပါတ်(၂)ကိုပဲ ပြန်လည်ဝတ်ဆင်သွားမှာဖြစ်ကြောင်း သိရပါတယ်။
ပေါ်တူဂီနောက်ခံလူ ကန်ဆယ်လိုကို အငှားစာချုပ်နဲ့ ဘာစီလိုနာအသင်း ဒုတိယအကြိမ်ခေါ်ယူ
Related Articles
