နယူးကာဆယ်နည်းပြ အက်ဒီဟောင်းက အသင်းကို ကစားသမားအများအပြားနဲ့ ဖွဲ့စည်းလိုခြင်းမရှိဘူးလို့ ပြောကြားခဲ့ပါတယ်။
နယူးကာဆယ်အသင်းဟာ ဒီနှစ်နွေရာသီအပြောင်းအရွှေ့ကာလမှာ ကစားသမားသစ် နှစ်ဦးသာ ခေါ်ယူထားသေးတာကြောင့် အပြောင်းအရွှေ့လှုပ်ရှားမှုနဲ့ပတ်သက်ပြီး မေးမြန်းခဲ့ရာမှာ အက်ဒီဟောင်းက အဲဒီလို ပြောကြားခဲ့တာပါ။
ဒါပေမဲ့ ကစားသမားသစ် တစ်ဦး၊ နှစ်ဦးလောက် ခေါ်ယူချင်သေးတယ်လို့လည်း ဆိုခဲ့ပါတယ်။
''ကျွန််တော်တို့ စျေးကွက်ထဲမှာ လှုပ်ရှားနေဆဲပါ။ ကစားသမားသစ် တစ်ဦး ဒါမှမဟုတ် နှစ်ဦးလောက် အားဖြည့်ချင်ပါသေးတယ်။ အရေအတွက်အတွက် အရည်အသွေးက အဓိကကျပါတယ်။ ကျွန်တော်တို့ ကစားသမားတွေအများကြီး မလိုချင်ပါဘူး။ အသင်းရဲ့လူစာရင်းက နေရာအလိုက် တောင့်တင်းမှုရှိပါတယ်'' လို့ အက်ဒီဟောင်းက ပြောကြားခဲ့ပါတယ်။
အသင်းက ထွက်ခွာခွင့်တောင်းထားတဲ့ တိုက်စစ်မှူး အီဆက်ခ်အကြောင်း မေးမြန်းမှုကိုတော့ စာချုပ်အရ အသင်းရဲ့ကစားသမားအဖြစ် ရှိနေပေမဲ့ အီဆက်ခ်ရဲ့ အနာဂတ်က သူ့လက်ထဲမှာ မရှိဘူးလို့ ပြောကြားခဲ့ပါတယ်။
အသင်းကို ကစားသမားအများအပြားနဲ့ ဖွဲ့စည်းလိုခြင်းမရှိဟု အက်ဒီဟောင်း ပြောကြား
Related Articles
