ဘိုင်ယန်မြူးနစ်နည်းပြ ကွန်ပနီသည် ဘွန်ဒစ်လီဂါပွဲစဉ် (၁၀) အပြီးတွင် နာမည်ကျော်နည်းပြ ဂွါဒီယိုလာ၏ ဘွန်ဒစ်လီဂါရမှတ်စံချိန်ကို လိုက်မီခဲ့ကြောင်း သိရှိရသည်။

ဘိုင်ယန်မြူးနစ်သည် စနေနေ့က ကစားသည့် ဘွန်ဒစ်လီဂါအဝေးကွင်းပွဲစဉ်တွင် ဆန့်ပေါ်လီကို(၁-၀) ဂိုးဖြင့် အနိုင်ရခဲ့သည်။

ဘိုင်ယန်မြူးနစ်သည် ဘွန်ဒစ်လီဂါပွဲစဉ် (၁၀)အပြီး ရှုံးပွဲမရှိဘဲ (၈)ပွဲနိုင်၊ (၂)ပွဲသရေဖြင့် (၂၆)မှတ်ရထားသည်။

ဘွန်ဒစ်လီဂါတွင် ယင်းသို့စွမ်းဆောင်နိုင်သူမှာ ဂွါဒီယိုလာ (၂၀၁၃)နှင့် ဇီဘစ်(၁၉၆၈)တို့သာ ရှိကြောင်း သိရသည်။

ကွန်ပနီသည် ဘိုင်ယန်မြူးနစ်နည်းပြရာထူးနှင့် ထိုက်တန်မှုမရှိဟု ဝေဖန်မှုအချို့နှင့် ရင်ဆိုင်နေရသော်လည်း စံချိန်မှတ်တမ်းကောင်းတစ်ခုကို ရယူနိုင်ခဲ့ခြင်းဖြစ်သည်။