အမေရိကန်ပြည်ထောင်စု ကယ်လီဖိုးနီးယားပြည်နယ်တွင် တောမီးလောင်ကျွမ်းမှုကြောင့် နေအိမ်ပေါင်း ၁၃၀ ကျော် ပျက်စီးဆုံးရှုံးခဲ့သည်ဟု မီးသတ်သမားများက နိုဝင်ဘာ ၈ ရက်တွင် ပြောကြားခဲ့သည်။

လော့အိန်ဂျလိစ်အပြင်ဘက် ကာမာရီလိုမြို့အနီး တောင်တန်းတွင် လောင်ကျွမ်းသောတောမီးသည်

ယခုသီတင်းပတ်အတွင်း ဟာရီကိန်းပြင်းအားရှိ လေပြင်းများတိုက်ခတ်မှုကြောင့် မီးလောင်ကျွမ်းမှု ပိုမိုအရှိန်ပြင်းလာခဲ့ကာ တောမီးသည် ဧက ၂၀,၀၀၀ ကျော်အထိ အလျင်အမြန် ပျံ့နှံ့ခဲ့သည်။

တောမီးလောင်ကျွမ်းသည့် လမ်းကြောင်းတစ်လျှောက်ရှိ လူပေါင်းထောင်ချီဘေးလွတ်ရာ ရွှေ့ပြောင်းခဲ့ရသည်။

တောမီးမှာ နေအိမ်တစ်အိမ်မှ တစ်အိမ်သို့ အလျင်အမြန် ကူးလာသောကြောင့် အချို့မှာ ပိုင်ဆိုင်သည့်ပစ္စည်းများနှင့် အိမ်မွေးတိရစ္ဆာန်များကို သယ်ယူခေါ်ဆောင်ချိန် မိနစ်ပိုင်းသာ အချိန်ရခဲ့သည်။

■Ref : AFP

■Photo : AFP