လက်ရှိအချိန်၌ အသင်းလက်မဲ့ဖြစ်နေသော ချယ်လ်ဆီးနည်းပြဟောင်း ဂရေဟမ်ပေါ်တာသည် ဝက်စ်ဟမ်းအသင်းသို့ ရောက်ရှိရန် နီးစပ်နေကြောင်း သတင်းထွက်နေသည်။
ဝက်စ်ဟမ်းအသင်းသည် ပြီးခဲ့သည့် ၂၀၂၃-၂၄ ရာသီကုန်တွင် နည်းပြ ဒေးဗစ်မွိုက်စ်နှင့် လမ်းခွဲပြီး စပိန်လူမျိုးနည်းပြ လိုပယ်တယ်ဟီကို အသင်းနည်းပြအဖြစ် ခန့်အပ်ခဲ့သည်။
သို့သော် ဝက်စ်ဟမ်းအသင်းသည် ယခုရာသီတွင် ရုန်းကန်နေရပြီး ပရီးမီးယားလိဂ်ပွဲစဉ် (၁၀) အပြီးတွင် ရမှတ် (၁၁) မှတ်ဖြင့် အဆင့် (၁၄) နေရာအထိ ရောက်ရှိနေသည်။
ထို့ကြောင့် ဝက်စ်ဟမ်းအသင်းတာဝန်ရှိသူများသည် လက်ရှိ အသင်းနည်းပြ လိုပယ်တယ်ဟီကို ရာထူးမှထုတ်ပယ်၍ နည်းပြသစ် အပြောင်းအလဲပြုလုပ်ရန် စီစဉ်နေကြောင်း သိရသည်။
ဝက်စ်ဟမ်းအသင်းနည်းပြ လိုပယ်တယ်ဟီ၏နေရာကို ဆက်ဆံမည့်သူအဖြစ် ချယ်လ်ဆီးနည်းပြဟောင်းများဖြစ်သည့် ဂရေဟမ်ပေါ်တာနှင့် လမ်းပတ်တို့ အပြိုင်ရေပန်းစားနေကြောင်း သိရသည်။
သို့သော် ယခုအခါ ဗြိတိန်မီဒီယာများက ဝက်စ်ဟမ်းအနေဖြင့် လိုပယ်တယ်ဟီ၏နေရာတွင် ဂရေဟမ်ပေါ်တာကို အစားထိုးဖွယ်ရှိကြောင်း ဖော်ပြနေကြသည်။
အဆိုပါအပြောင်းအလဲကို လာမည့်နိုင်ငံတကာရက်သတ္တပတ်အတွင်း ပြုလုပ်ဖွယ်ရှိကြောင်းလည်း မီဒီယာအချို့က ထင်ကြေးပေးနေကြသည်။
