၂၀၂၄ အာဆီယံဖူဆယ်ချန်ပီယံရှစ်ပြိုင်ပွဲကို ဝင်ရောက်ယှဉ်ပြိုင်နေသည့် မြန်မာ့လက်ရွေးစင်ဖူဆယ်အသင်းသည် အုပ်စုအဖွင့်ပွဲတွင် သြစတြေးလျအသင်းနှင့်(၃-၃) ဂိုးဖြင့် သရေကျခဲ့ကြောင်း သိရသည်။
မြန်မာ့လက်ရွေးစင်ဖူဆယ်အသင်းသည် ၂၀၂၄ အာဆီယံဖူဆယ်ချန်ပီယံရှစ်ပြိုင်ပွဲ အုပ်စုပထမပွဲအဖြစ် သြစတြေးလျအသင်းနှင့် ယနေ့ ယှဉ်ပြိုင်ကစားခဲ့ရာ (၃-၃) ဂိုးဖြင့် သရေကျခဲ့ခြင်းဖြစ်သည်။
မြန်မာဖူဆယ်အသင်းအတွက် ဂိုးများကို ဂိုးသမား မိုင်းစိုးမြတ်ထွေး၊ နိုင်းလင်းထွန်းကျော်နှင့် ထွဋ်ဝေထွန်းတို့က သွင်းယူပေးခဲ့ကြောင်း သိရသည်။
မြန်မာ့လက်ရွေးစင်ဖူဆယ်အသင်းသည် ၂၀၂၄ အာဆီယံဖူဆယ်ချန်ပီယံရှစ်ပြိုင်ပွဲတွင် အုပ်စု(B) ၌ သြစတြေးလျ၊ အင်ဒိုနီးရှား၊ ကမ္ဘောဒီးယားအသင်းတို့နှင့် အတူ ကျရောက်နေသည်။
နိုဝင်ဘာ ၄ ရက်က ယှဉ်ပြိုင်ကစားခဲ့သည့် အုပ်စု(B) အခြားပွဲတွင် အင်ဒိုနီးရှားအသင်းက ကမ္ဘောဒီးယားအသင်းကို(၉-၀) ဂိုးဖြင့် အနိုင်ရခဲ့သည်။
၂၀၂၄ အာဆီယံဖူဆယ်ချန်ပီယံရှစ်ပြိုင်ပွဲကို အသင်း ၉ သင်းဖြင့် ကျင်းပနေပြီး အုပ်စု (A) တွင် အိမ်ရှင် ထိုင်း၊ ဗီယက်နမ်၊ မလေးရှား၊ တီမော၊ ဘရူနိုင်းအသင်းတို့ ပါဝင်နေသည်။
အုပ်စုတစ်ခုစီမှ ထိပ်ဆုံးရပ်တည်မှုရ နှစ်သင်းစီမှာ ဆီမီးဖိုင်နယ်သို့ တက်ရောက်ကစားခွင့် ရရှိမည်ဖြစ်သည်။
