စပါးနည်းပြ ပိုစတီကိုဂလူးက ရာထူးမှ ထုတ်ပယ်ခံရမည်ကို စိတ်ပူမိကြောင်း ဝန်ခံပြောကြားခဲ့သည်။

ပြီးခဲ့သည့် ရက်ပိုင်းအတွင်းတွင် ရလဒ်များဆိုးရွားမှုကြောင့် မန်ယူနည်းပြတန်ဟက်ဂ်မှာ ရာထူးမှ ထုတ်ပယ်ခံခဲ့ရသည်။

စပါးအသင်းမှာလည်း ယခုရာသီ ပရီးမီးယားလိဂ်ပွဲစဉ်(၉)အပြီးတွင် (၁၃)မှတ်သာ ရထားပြီး အဆင့်(၈) ရပ်တည်နေသည်။

ထို့ကြောင့် နည်းပြရာထူးအတွက် စိတ်ပူသလားဟု မေးမြန်းခဲ့ရာ ပိုစတီကိုဂလူးက ''စိတ်ပူပါတယ်။ ဒါပေမဲ့ ဘယ်အလုပ်မှ အာမခံချက် မရှိပါဘူူး။ နည်းပြတွေအတွက် သတ်မှတ်ထားတဲ့ ကာလလည်း မရှိပါဘူး။ ဒါပေမဲ့ ရာထူးက အထုတ်ခံရမယ်လို့ တစ်ချိန်လုံး စိတ်ပူနေလို့ မရပါဘူး။ လုပ်စရာရှိတာ လုပ်ရမှာပါ''ဟု ဆိုခဲ့သည်။ 

တန်ဟက်ဂ် ထုတ်ပယ်ခံရပြီးနောက် ပရီးမီးယားလိဂ်မှ ထပ်မံထုတ်ပယ်ခံရမည့်နည်းပြအဖြစ် ဆောက်သမ်တန်နည်းပြ ရပ်ဆဲလ်မာတင်က ရေပန်းအစားဆုံးဖြစ်နေပြီး ပိုစတီကိုဂလူးမှာ အဆင့်(၁၀)နေရာတွင်သာ ရှိနေကြောင်း သိရသည်။