ရန်ကုန် ဗဟိုအမျိုးသမီး ဆေးရုံကြီးတွင် ပျောက်ဆုံးခဲ့သော ကလေးငယ်ကို ပြန်တွေ့ပြီဖြစ်ကြောင်း ကလေးငယ်၏ အဒေါ်ဖြစ်သူက အောက်တိုဘာ ၃၁ ရက် မွန်းလွဲပိုင်းတွင် ပြောကြားသည်။
" ဝိုင်းရှာပေးတဲ့သူတွေအကုန်လုံးကိုလည်း ကျေးဇူးတင်ပါတယ်။ သိပ်မကြာသေးပါဘူး။ ပြန်တွေ့တာ။ ဒီတခါပြန်တွေ့တာ မှန်ပါတယ်။ စိတ်ပူပေးကြတဲ့သူတွေအကုန်လုံးကိုလည်း ကျေးဇူးတင်ပါတယ်။ အခုတော့ အလုပ်ရှုပ်နေကြလို့ နောက်မှ အသေးစိတ် ပြောပေးပါ့မယ်" ဟု ကလေးငယ်၏ အဒေါ်ဖြစ်သူက ပြောကြားသည်။
ပျောက်ဆုံးသွားသည့် ကလေးငယ်မှာ ကိုးရက်အရွယ်သာရှိသေးပြီး ကျန်းမာရေးမကောင်းသဖြင့် ဗဟိုအမျိုးသမီးဆေးရုံကြီးတွင် ကုသမှုခံယူနေခြင်း ဖြစ်သည်။
ကလေးငယ်၏ မိဘများမှာ မင်္ဂလာတောင်ညွန့်မြို့နယ်တွင် နေထိုင်သူများဖြစ်ပြီး ကလေးငယ်မှာ အောက်တိုဘာ ၃၀ ရက် နံနက် ၄ နာရီခန့်တွင် ပျောက်ဆုံးသွားခဲ့ခြင်း ဖြစ်သည်။
