ရီးယဲလ်မက်ဒရစ်အသင်းအား အနိုင်ရခဲ့သည့် El Clasico လာလီဂါပွဲစဉ်တွင် ဘာစီလိုနာနည်းပြ ဟန်ဆီဖလစ်ခ်နှင့် ဆယ်ကျော်သက်တောင်ပံကစားသမား ယမားလ်တို့ စံချိန်မှတ်တမ်းသစ်များ အသီးသီးပိုင်ဆိုင်နိုင်ခဲ့ကြောင်းသိရသည်။
ဟန်ဆီဖလစ်ခ်သည် ဘာစီလိုနာနည်းပြဘဝ ပထမဆုံးကိုင်တွယ်သည့် El Clasico ပွဲစဉ်တွင် ဘာနေဗျူးကွင်း၌ ရီးယဲလ်အသင်းအားအနိုင်ရခဲ့ခြင်းဖြစ်ပြီး ယင်းမှာ ပြိုင်ပွဲသမိုင်းတစ်လျှောက် ဒုတိယအကြိမ်မြောက်စွမ်းဆောင်နိုင်ခဲ့ခြင်းဖြစ်ကြောင်းသိရသည်။
ဟန်ဆီဖလစ်ခ်မတိုင်မီက အင်္ဂလန်လူမျိုးနည်းပြ တယ်ရီဗာနေဘယ်လ် (၁၉၈၄)သည် ဘာစီလိုနာအသင်းနည်းပြအဖြစ် El Clasico ပွဲစဉ်အား ပထမဆုံးအကြိမ်ကိုင်တွယ်ရာတွင် ဘာနေဗျူးကွင်း၌ ရီးယဲလ်အသင်းအား (၃-၀)ဂိုးဖြင့်အနိုင်ရခဲ့ပြီး စံချိန်မှတ်တမ်းတင်ရှိထားခြင်းဖြစ်သည်။
ထို့ပြင် ဘာစီလိုနာအသင်း၏ စပိန်ဆယ်ကျော်သက်တောင်ပံကစားသမား ယမားလ်မှာလည်း အသက် (၁၇)နှစ်၊ (၃)လ၊ (၁၄)ရက်ဖြင့် El Clasico လာလီဂါပွဲစဉ်သမိုင်းတစ်လျှောက် အသက်အငယ်ဆုံးဂိုးသွင်းသူအဖြစ် မှတ်တမ်းဝင်နိုင်ခဲ့ကြောင်းသိရသည်။
